බරපතළ වැඩසහිත වසර හතරක සිරදඬුවම් නියම වී සිටි පූජ්ය ගලගොඩ අත්තේ ඥානසාර හිමි ඇප මත මුදා හැරීමට අභියාචනාධිකරණය නියම කර තිබෙනවා.
ඥානසාර හිමි විසින් ඉදිරිපත් කළ ප්රතිශෝධන පෙත්සමක් විභාග කිරීමෙන් අනතුරුවයි අභියාචනාධිකරණය විසින් මෙම නියෝගය නිකුත් කර ඇත්තේ.
ඉස්ලාම් ආගමට අපහාස වන ආකාරයේ ප්රකාශයක් සිදුකිරීමෙන් ආගමික සමගිය කඩ කිරීමේ චෝදනා මත බොදුබල සේනා සංවිධානයේ මහලේකම් පූජ්ය ගලගොඩඅත්තේ ඥානසාර හිමිට බරපතළ වැඩසහිත වසර 4ක සිරදඬුවම් නියම කර තිබුණා.
පසුගිය මාර්තු මස 28 වැනිදා කොළඹ මහාධිකරණය හමුවේ අදාළ නඩුව විභාගයට ගත් අවස්ථාවේදීයි එම සිර දඬුවම නියම කර තිබුණේ.
නඩුව අවසන් වරට කැඳවූ අවස්ථාවේදී ඥානසාර හිමි අධිකරණය හමුවේ ප්රකාශ කර තිබුණේ තමන්ගේ ප්රකාශය තුළින් මුස්ලිම් ජනතාවට අපහසුතාවක් සිදුවූයේ නම් ඒ පිළිබඳ සමාව ඉල්ලා සිටින බවයි.
කෙසේවෙතත් නඩුවේ වරදකරු බවට පත් වූ ඥානසාර හිමිට වසර 4ක බරපතල වැඩ සහිත සිර දඩුවම් නියම කෙරුණු අතර ඉන් පසු උන්වහන්සේට ජනාධිපති සමාව හෝ ලබාදෙන ලෙසට ද ඉල්ලීම් ද ඉදිරිපත් වී තිබුණා.
