අමෙරිකා ජනාධිපති ජෝ බයිඩ්න්ට කොවිඩ් 19 ආසාධනය වී ඇති බව ධවල මන්දිරය නිල වශයෙන් නිවේදනය කර තිබෙනවා.
මේ වනවිට ඔහු ස්වයං නිරෝධායනය වෙමින් රෝගයට අවශ්ය ප්රතිකාර ගනිමින් පවතින බවයි එම නිවේදනයේ දැක්වෙන්නේ.
බයිඩ්න්ගේ වෛද්යවරයා වන කෙවින් ඕ’කොනර් (Kevin O’Connor) ප්රකාශ කර ඇත්තේ ජනාධිපතිවරයාට නාසයෙන් සොටු දියර ගැලීම, කැස්ස ඇතුළු ශ්වසනාබාධ රෝග ලක්ෂණ පෙන්නුම් කරන බවයි.
ඒ අනුව ඔහුට පළමු මාත්රාව ලෙස පැක්ස්ලොවිඩ් (Paxlovid) ලබා දුන් බවද වෛද්යවරයා සඳහන් කර තිබෙනවා.
ජනාධිපතිගේ වෛද්යවරයා පැවසුවේ එක්සත් ජනපදයේ රෝග පාලනය සහ වැළැක්වීමේ මාර්ගෝපදේශයන්ට අනුකූලව ජනාධිපතිවරයා තම නිවසේ ස්වයං නිරෝධායනයට ලක්ව සිටින බවයි.
කෙසේ වෙතත් එම කාලය තුළ ඔහුගේ සියලු රාජකාරි සම්පූර්ණයෙන්ම ඉටු කරන බව ද ධවල මන්දිරය ප්රකාශ කර තිබෙනවා.
ඇමරිකා ජනාධිපතිවරයාට අවසන් වරට COVID-19 අසාධනය වී තිබුණේ 2022 වසරේ අගෝස්තු මාසයේදී යි.
