SIM කාඩ්පත් ලබාදීමේදී හැඳුනුම්පත් පරීක්ෂාවන් නිසි ලෙස සිදු කිරීමට අපොහොසත් වීම හේතුවෙන් ටෙල්ස්ට්රා සමාගමට ඩොලර් මිලියන 1.6ක දඩයක් නියම කර තිබෙනවා.
ඒ මෙරට ක්රියාත්මක වන වංචාවන්ට එරෙහිව පියවර ගැනීම සඳහා ගෙන එන ලද හැඳුනුම්පත් නීති ක්රමවේදය අසාර්ථක වීම හේතුවෙන් බවයි වාර්තා වන්නේ.
ඔස්ට්රේලියානු සන්නිවේදන සහ මාධ්ය අධිකාරියට අනුව ටෙල්ස්ට්රා සමාගම, 2022 වසරේ අගෝස්තු මාසයේ සිට 2023 වසරේ අප්රේල් දක්වා 168,000 වතාවක් නීති රීති අනුගමනය කිරීමට අපොහොසත් වූ බව සඳහන්.
ජංගම දුරකථන පාරිභෝගිකයන්ට තම සිම් පත නැති වුවහොත් හෝ හානි වුවහොත් ඒ සඳහා වෙනත් සිම් පතක් ඉල්ලා සිටිය හැකි වුව ද වෙනත් නාඳුනන පුද්ගලයෙකු එය කිරීමට උත්සාහ කළහොත් අනතුරුදායක විය හැකි බව සන්නිවේදන සහ මාධ්ය අධිකාරිය අවධාරණය කරනවා.
ඒ සඳහා 2022 දී හඳුන්වා දුන් නව නීතිවලට අනුව කිසියම් පාරිභෝගිකයෙකුට සිම් පතක් නිකුත් කිරීමේදී හැඳුනුම්පත් පරීක්ෂාව අනිවාර්ය කර තිබෙනවා.
සන්නිවේදන සහ මාධ්ය අධිකාරියේ සාමාජික සමන්තා යෝර්ක් පැවසුවේ පාරිභෝගික හැඳුනුම්පත් නීති සමාලෝචනය කිරීමට සහ අවශ්ය ඕනෑම වෙනස් කිරීමක් කිරීමට Telstra සමාගම වෙනුවෙන් ස්වාධීන උපදේශකයෙකු පත් කළ යුතු බවයි.
