මීට වසර 55කට පෙර සිදු වූ පළමු සඳ ගමනේදී ඇපලෝ යානය ගොඩබැස්වූ ස්ථානයට නුදුරින් සඳ මත ගුහාවක් ඇති බව විද්යාඥයන් විසින් තහවුරු කර තිබෙනවා.
එය අනාගත ගගනගාමීන්ට නවාතැන් ගත හැකි ආකාරයේ එකක් බවට විශ්වාස කෙරෙන අතර එවැනි ගුහා තවත් සිය ගණනක් චන්ද්රයා මත ඇති බවයි විද්යාඥයන් පවසන්නේ.
ඉතාලියේ විද්යාඥයන් ප්රමුඛ කණ්ඩායමක් වාර්තා කළේ සඳ මත පවතින ඹුරුම වළ ඔස්සේ ගමන් කළ හැකි විශාල ගුහාවක් පවතින බවට සාක්ෂි ලැබී ඇති බවයි.
එය පිහිටා ඇත්තේ ඇපලෝ යානය ගොඩබස්වනු ලැබූ ස්ථානයේ සිට කිලෝමීටර් 400ක් දුරින් බව ද සඳහන්.
විද්යාඥයින් ප්රකාශ කළේ රේඩාර් දත්ත මගින් අනාවරණය වී ඇත්තේ එම භූගත කුහරයේ ආරම්භක කොටස පමණක් වන අතර ඔවුන් ඇස්තමේන්තු කරන්නේ එය අවම වශයෙන් මීටර් 40ක් පළල සහ මීටර් දස දහස් ගණනක් දිගු එකක් වන්නට ඇති බවයි.
මෙම චන්ද්ර ගුහා වසර 50 කට වැඩි කාලයක් පුරා අබිරහසක්ව පැවතුණු අතර මෙවැනි බොහෝ වලවල් සඳෙහි ඉපැරණි ලාවා අතර පිහිටා ඇති බවයි සඳහන් වන්නේ.
එහි ස්ථීර සෙවන සහිත ආවාට තුල පානයට ගත හැකි ජලය ද රැඳී ඇති බවට විශ්වාස කෙරෙනවා.
මෙම නව සොයාගැනීම්වලින් පෙනී යන්නේ සඳ මත මේ ආකාරයේ වලවල් සිය ගණනක් තිබිය හැකි බවයි.
එවැනි ස්ථාන ගගනගාමීන් සඳහා ස්වභාවික නවාතැනක් ලෙස යොදා ගත හැකි අතර ඔවුන්ට අහිතකර කිරණවලින් සහ සූර්ය විකිරණවලින් මෙන්ම උල්කාපාතවලින් ද ආරක්ෂා වීමට හැකි බවයි විද්යාඥයන් පවසන්නේ.
