මෙල්බර්න් Point Cook ප්රදේශයේ නිවසක ඇති වූ ගින්නකින් කුඩා ළමයින් හතර දෙනෙකු ඇතුළු පුද්ගලයින් කිහිප දෙනෙකු රෝහල් ගත කර තිබෙනවා.
අද උදෑසන 7ට පමණ හදිසි ඇමතුම් අංශය වෙත ලැබුණු තොරතුරකට අනුවයි ගිනි නිවීම් අංශ එම ස්ථානයට පැමිණ ඇත්තේ.
ගින්නෙන් දෙමහල් නිවස සම්පූර්ණයෙන්ම විනාශ වී ඇති අතර දුම ආඝ්රාණය වීම සහ පිළිස්සුම් තුවාල ලැබූ ළමයින් ඇතුලු පස් දෙනෙකු රෝහල් ගත කර තිබෙනවා.
අදාළ නිවසේ පහත මාලයේ ගින්න හටගෙන ඇති බවට විශ්වාස කරන බවයි පොලිසිය සඳහන් කළේ.
ගිනි නිවන භටයින් පැමිණ විනාඩි 30කින් පමණ ගින්න පාලනය කර ඇති අතර එම නිවසේ තිබූ අනතුරු ඇඟවීම් පද්ධතිය හේතුවෙන් එහි සිටි පිරිස ආරක්ෂා වී ඇති බව නිලධාරීන් ප්රකාශ කළා.
එම නිවසේ ගිනි අනතුරු ඇඟවීම් නොතිබුණේ නම් තත්වය වඩාත් බරපතල විය හැකි බවයි ඔවුන් පෙන්වා දුන්නේ.
ගින්නට හේතුව සම්බන්ධයෙන් තවමත් විමර්ශනය කෙරෙන අතර එහි සැක කටයුතු තත්වයක් දක්නට නොමැති බව පොලිසිය සඳහන් කර තිබෙනවා.
