මෙල්බන් බොක්ස් හිල් (Box Hill) ප්රදේශයේ නිවාස සංකීර්ණයක පඩිපෙළක් මත තිබී මළ සිරුරක් හමුවීම සම්බන්ධයෙන් පොලිසිය විමර්ශනයක් ආරම්භ කර තිබෙනවා.
මෙය පුද්ගල ඝාතනයක් බවට සැක කර විමර්ශන සිදු කරන බවයි වික්ටෝරියා පොලිසිය සඳහන් කර ඇත්තේ.
පහරදීමේ සිදුවීමක් පිළිබඳ ලැබුණු තොරතුරකට අනුව ඊයේ රාත්රී 7.45ට පමණ බොක්ස් හිල් ප්රදේශයේ නිවසකට පොලිසිය පැමිණ තිබුණා.
එහිදීයි පොලිස් නිලධාරීන් පඩිපෙළක තිබී පිරිමි අයෙකුගේ මළ සිරුරක් සොයාගෙන ඇත්තේ.
එම ස්ථානයේ සිටි පුද්ගලයෙකු පොලිස් භාරයට ගෙන ප්රශ්න කෙරෙමින් පවතින බව සඳහන්.
ඝාතනයට ලක්වූ පුද්ගලයාගේ අනන්යතාව හඳුනාගෙන නොමැති අතර පොලිස් භාරයට ගත් සැකකරු සහ මියගිය පුද්ගලයා එකිනෙකා හඳුනන බවට විශ්වාස කරන බව පොලිසිය සඳහන් කළා.
මෙම සිද්ධිය සම්බන්ධයෙන් තවදුරටත් විමර්ශන සිදු කරන අතර පොලිසිය අද එම ප්රදේශයේ CCTV දර්ශන ද පරික්ෂා කිරීමට නියමිතයි.
