හිටපු අමාත්යවරුන් වන ඩිලාන් පෙරේරා සහ රිෂාඩ් බදියුදීන් ගමන් ගත් මෝටර් රථ දෙකක් ප්රදේශ දෙකකදී අනතුරට ලක්ව තිබෙනවා.
පාර්ලිමේන්තු මන්ත්රී ඩිලාන් පෙරේරා ගමන් ගත් මෝටර් රථය අනතුරට පත්වී ඇත්තේ දක්ෂිණ අධිවේගී මාර්ගයේ ගැලනිගම හුවමාරුව අසලදීයි.
ඔහුගේ මෝටර් රථය මාර්ගයෙන් ඉවතට ගොස් ආරක්ෂිත වැටක ගැටීමෙන් අනතුරට ලක්ව තිබෙනවා.
එම අනතුරින් මන්ත්රීවරයාට තුවාල සිදුවී නොමැති අතර තවත් තිදෙනෙකු තුවාල ලබා ඇති බව සඳහන්.
මේ අතර හිටපු අමාත්ය රිෂාඩ් බදියුදීන් ගමන් ගත් මෝටර් රථය කරුවලගස්වැව ප්රදේශයේදී අනතුරකට ලක්වී තිබෙනවා.
ප්රධාන මාර්ගයට පැමිණි පාපැදිකරුවෙකු රථයේ ගැටීම වළක්වා ගැනීමට උත්සාහ කිරීමේදී මෝටර් රථය මාර්ගයෙන් ඉවතට පැන අනතුර සිදුවී ඇති බවයි සඳහන් වන්නේ.
එම අනතුරින් රිෂාඩ් බදියුදීන් අමාත්යවරයාට හෝ වෙනත් කිසිවෙකුටත් තුවාල සිදුවී නැහැ.
