මෙල්බර්න් ෆ්රෑන්ක්ස්ටන් (Frankston) ප්රදේශයේ අපරාධ ක්රියාකාරකම්වල කේන්ද්රස්ථානයක් ලෙස ප්රසිද්ධියට පත්ව ඇති උත්සව ශාලාවක කොටසක් ඩොලර් 99,000 කට අලෙවි කර ඇතැයි වාර්තා වනවා.
ඇම්බැසඩර් නම් වූ මෙම හෝටලය (Ambassador Hotel) තුළ පිහිටි එක් නිදන කාමරයක් සහ නාන කාමරයක් සහිත ඒකකය ජුනි මාසයේදී මෙලෙස විකුණා ඇති බවයි සඳහන් වන්නේ.
මෙම හෝටලයේ කොටසක් අලෙවි කිරීම සඳහා පළ කර තිබූ දැන්වීම මගින් ප්රකාශ කර තිබී ඇත්තේ මෙය පරිපූර්ණ ආයෝජන අවස්ථාවක් ලෙසටයි.
1980 සහ 1990 වසරවල මෙම උත්සව ශාලාව මංගල උත්සව සඳහා ජනප්රිය ස්ථානයක් වුව ද එම ගොඩනැගිල්ල මේ වන විට මත්ද්රව්ය භාවිත කරන්නන්, අනවසර පදිංචිකරුවන් සහ ප්රචණ්ඩකාරී ක්රියාවල නිරත වන්නන් සඳහා ප්රසිද්ධ ස්ථානයක් ලෙසටයි සැලකෙන්නේ.
මෙම ස්ථානයේ කොටසක් අලෙවි කිරීමට සම්බන්ධ වූ දේපල අලෙවි සමාගමේ අධ්යක්ෂවරයා කියාසිටියේ හෝටලයට අමිහිරි අතීතයක් පැවතුණ ද වර්තමානයේ එය බොහෝ සෙයින් දියුණු වී ඇති බවයි.
මෙම සංකීර්ණය ප්රතිසංස්කරණය කර වැඩි දියුණු කර ඇති අතර මීට වසර දෙකකට පමණ පෙර පොලිස් ස්ථානයට ද සම්බන්ධ වන ආකාරයෙන් CCTV පද්ධතියක් ද සවි කළ බව ඔවුන් සඳහන් කර තිබෙනවා.
ජුනි මාසයේදී අලෙවි කරන ලද කොටස දැනට සැප්තැම්බර් දක්වා මාසයකට ඩොලර් 999ක මුදලකට බදු දී ඇති බව සඳහන්.
