තම superannuation හැකි සෑම අවස්ථාවකම පරීක්ෂා කර බලන ලෙසට ඔස්ට්රේලියාවේ රැකියාවල නිරත වූවන්ගෙන් බදු කාර්යාලය ඉල්ලීමක් කර තිබෙනවා.
එසේ නැතහොත් විශ්රාම යාමේදී සේවකයන්ට නිවැරදි හිමිකම් අහිමි විය හැකි බවයි ඔවුන් දැනුම් දෙන්නේ.
නව මුල්ය වර්ෂයේ සිට superannuation අනුපාතිකය සියයට 11.5 දක්වා වැඩි වීම හේතුවෙන් සේවා යෝජකයන් විසින් ඒ සඳහා වැඩිපුර මුදල් ගෙවීමට නියමිතයි.
බදු කාර්යාලය දැනුම් දෙන්නේ මෙම මාසයේ වැටුප් පත්රිකාව පරික්ෂා කර බලා එහි superannuation ගෙවීම්වල සිදුවී ඇති වෙනස තහවුරු කර ගන්නා ලෙසටයි.
පසුගිය පළමු වනදා සිට superannuation අනුපාතය සියයට 11 සිට සියයට 11.5 දක්වා වැඩි කෙරුණා.
ඉන් අදහස් කෙරෙන්නේ තම සේවායෝජකයා විසින් superannuation ගෙවීම් ඉහළ දැමීම හේතුවෙන් තමන්ගේ ඉදිරි ආයෝජනයට තවත් වැඩි මුදලක් එකතු වීමයි.
ඔස්ට්රේලියානු බදු කාර්යාලයේ නියෝජ්ය කොමසාරිස්වරිය පැවසුවේ superannuation යනු බොහෝ ඔස්ට්රේලියානුවන් සතු වැදගත්ම ආයෝජනවලින් එකක් බවයි.
එහෙත් බොහෝ බදු ගෙවන්නන් තම හිමිකම් සම්බන්ධයෙන් නොදැන සිටීම කණගාටුවට කරුණක් බවයි ඇය පෙන්වා දෙන්නේ.
