වික්ටෝරියානු සෞඛ්‍ය නිලධාරීන් විසින් ළමා සුරැකුම් මධ්‍යස්ථාන සඳහා හදිසි ආමාශ ආශ්‍රිත රෝගයක් පැතිරී යන බවට අනතුරු අඟවා ඇති අතර පසුගිය වසර 5 තුල කාලය හා සැසඳීමේදී මෙම රෝගී තත්වයේ ව්‍යාප්තිය හතර ගුණයකටත් වඩා වැඩි බව සඳහන්.
වාර්තා වී ඇති රෝගීන්ගේ සංඛ්‍යාව ශීඝ්‍ර ලෙස ඉහළ යාම හේතුවෙන් කුඩා දරුවන් අසනීප වුවහොත් ඔවුන්ව නිවසේ තබා ගැනීමට දෙමාපියන් සහ රැකබලා ගන්නන් හට වික්ටෝරියානු සෞඛ්‍ය බලධාරීහු නිර්දේශ කර ඇත.
මෙම ආමාශය ආශ්‍රිත රෝගී තත්වය පුද්ගලයාගෙන් පුද්ගලයාට සම්ප්‍රේෂණය වීම නිසා ඇතිවූවක් බවට සැක කෙරේ.
“ආමාශ ආශ්‍රිත රෝග ඉතා ආසාදිත වන අතර එය වෛරස්, බැක්ටීරියා හෝ පරපෝෂිතයන් නිසා ඇතිවේ” යැයි වික්ටෝරියානු සෞඛ්‍ අංශය අනතුරු ඇඟවීම් නිවේදනයේ සඳහන් කරයි.
ඔක්කාරය, වමනය, පාචනය, උණ, උදර වේදනාව, හිසරදය සහ මාංශ පේශි වේදනාව මෙම රෝගී තත්වයේ ලක්ෂණ වේ.
රෝග ලක්ෂණ වර්ධනය වීමට දින තුනක් ගත වන අතර සාමාන්‍යයෙන් එය පැය 24 හෝ 48 අතර පවතිනු ඇත.
ළමාරක්ෂක මධ්‍යස්ථාන වල හෝ පාසැලේ සිටින දරුවන්ට වමනය හෝ පාචනය ඇති වුවහොත් පැය 48 ක් නිවසේ තබා ගන්නා ලෙස සෞඛ්‍ය නිලධාරීන් දෙමාපියන් ගෙන් ඉල්ලා සිටී.
