මෙවර ප්රංශයේ පැරිස් නුවර පැවැත්වෙන ඔලිම්පික් ක්රීඩා උළෙලට සහභාගී වන සියලුම ක්රීඩක ක්රීඩිකාවන්ට තරග ජය ගැනීමෙන් පසු සෙල්ෆි ඡායාරූප ලබා ගැනීම සඳහා නොමිලේ දුරකථන ලබාදීමට Samsung සමාගම පියවර ගෙන තිබෙනවා.
ඔලිම්පික් ක්රීඩා උළෙල වෙනුවන්ම සමාගම විසින් නිෂ්පාදනය කරනු ලැබූ Galaxy Z Flip6 දුරකථන මෙලෙස ලබාදෙන අතර ඉතිහාසයේ පළමු වරට තරගකරුවන්ට මෙවැනි සුවිශේෂී අත්දැකීමක් ලබාදෙන බවයි සමාගම සඳහන් කර ඇත්තේ.
සෑම ජයග්රාහී ඉසව්වක් අවසානයේදී ම ජයග්රාහකයින්ට ඔවුන්ගේ සම්මාන ලබා ගැනීම සහ තවත් වැදගත් අවස්ථා සටහන් කර ගැනීමට මෙය මහඟු අවස්ථාවක් වනු දුරකථන සමාගම ප්රකාශ කර තිබෙනවා.
ඉතිහාසයේ පළමු වතාවට සම්මාන ලබන වේදිකාවේ සෙල්ෆි ගැනීම තුළින් ක්රීඩක ක්රීඩිකාවන්ගේ සමාජ මාධ්ය තුළ පෙරළියක් ඇති කරනු ඇති බවයි Samsung සමාගම විශ්වාසය පළ කරන්නේ.
නවතම Galaxy වර්ගයේ දුරකථන පැරිස් ඔලිම්පික් උළෙලේ ක්රීඩක ක්රීඩිකාවන්ට ලබා දීමට ලැබීම ගෞරවයක් බව ද ඔවුන් ප්රකාශ කළා.
ක්රීඩක ක්රීඩිකාවන්ට ලබාදෙන මෙම දුරකථන තුළ AI තාක්ෂණය ඇතුලු පහසුකම් රැසකින් සමන්විත වන ආකාරයෙනුයි නිර්මාණය කර ඇති බව ද සඳහන්.
