වත්මන් ආණ්ඩුක්රම ව්යවස්ථාවට අනුව ජනාධිපතිවරයාගේ නිල ධුර කාලය වසර 05ක් බව පැහැදිලි බවට නීතිපතිවරයා විසින් ශ්රේෂ්ඨාධිකරණයට දැනුම්දී තිබෙනවා.
ජනාධිපතිවරයාගේ නිල කාලය සම්බන්ධ පෙත්සම අද (08) කැඳවනු ලැබූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල් කනිෂ්කා ද සිල්වා විසිනුයි මෙම දැනුම් දීම සිදු කර ඇත්තේ.
අදාළ පෙත්සම නිෂ්ප්රභ කරන ලෙස ඉල්ලා මූලික විරෝධතා මතු කරන බව ද ඇය සඳහන් කර තිබෙනවා.
වත්මන් ජනාධිපති රනිල් වික්රමසිංහගේ නිල කාලය අවසන් වන දිනය සම්බන්ධයෙන් අර්ථ නිරූපණයක් ලබාදෙන තෙක් දැනට සැලසුම් කෙරෙමින් ඇති ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන ලෙස ඉල්ලා ගොනුකර ඇති මූලික අයිතිවාසිකම් පෙත්සම සලකා බැලීම ශ්රේෂ්ඨාධිකරණය හමුවේ සිදු වනවා.
අගවිනිසුරු ජයන්ත ජයසූරිය, විජිත් මලල්ගොඩ, මුර්දු ප්රනාන්දු , ප්රීති පද්මන් සූරසේන සහ එස්. තුරෙයිරාජාගෙන් සමන්විත පංච පුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේයි මෙම පෙත්සම් සලකා බැලීම සිදු කෙරෙන්නේ.
