ජාත්යන්තර සිසුන්ගේ පවුලේ සාමාජිකයන් සඳහා පවතින රැකියා වීසාවලට අදාළ නිර්ණායක ලිහිල් කිරීමට නවසීලන්තය තීරණය කර තිබෙනවා.
සිය සංක්රමණ ප්රතිපත්ති සංශෝධනය කරමින් උසස් අධ්යාපන වැඩසටහන්වලට ලියාපදිංචි වූ ජාත්යන්තර සිසුන්ගේ හවුල්කරුවන්ට රැකියා වීසා ලබා ගැනීමට ඉඩ සැලසීමේ අරමුණින් මෙම තීරණය ගෙන ඇති බවයි සඳහන් වන්නේ.
රැකියා වීසා සඳහා වන නිර්ණායක ලිහිල් කිරීම මගින් ජාත්යන්තර සිසුන්ට සහ ඔවුන්ගේ පවුල්වල සාමාජිකයන් සඳහා නවසීලන්තය වඩාත් ආකර්ෂණීය ගමනාන්තයක් බවට පත් කිරීම අරමුණ බව එරට බලධාරීන් ප්රකාශ කර තිබෙනවා.
සංශෝධනය කරනු ලැබූ මාර්ගෝපදේශ යටතේ නවසීලන්තයේ විශේෂිත උසස් අධ්යාපන වැඩසටහන් සඳහා ලියාපදිංචි වී ඇති සිසුන්ගේ බිරිඳ හෝ දරුවන් වැනි පවුලේ සාමාජිකයන් රැකියා වීසා සඳහා සුදුසුකම් ලබනු ඇති.
උපාධි සහතික පාඨමාලා, උපාධි ඩිප්ලෝමා, පශ්චාත් උපාධි, පශ්චාත් උපාධි ඩිප්ලෝමා සහ ගෞරව උපාධි ඇතුළත් Level 7 හෝ 8 මට්ටමේ පාඨමාලාහදාරන සිසුන්ගේ පවුල්වල සාමාජිකයන්ට මෙම වීසා අදාළ වනු ඇති.
නවසීලන්තය පුරා ඉහළ ඉල්ලුමක් ඇති වෘත්තීන් යටතේ ලියාපදිංචි වූ සිසුන්ගේ පවුල්වල සාමාජිකයන්ට නවසීලන්තයේ පදිංචිය සඳහා ද වසර දෙකක් රැකියාවේ නිරත වීමෙන් පසු ඉල්ලීම් කළ හැකියි.
මෙම වීසා නීති වෙනස් කිරීම මගින් නවසීලන්තයේ අරමුණ වී ඇත්තේ දක්ෂ කුසලතා සහිත ශ්රමිකයන් ආකර්ෂණය කර ගැනීමට සහ ජාත්යන්තර සිසුන්ගේ පවුල්වලට සහාය වීම බව සඳහන්.
වලංගු වීසා බලපත්ර හිමි සිසුන්ට තමාගෙන් යැපෙන දරුවන් සඳහා විවිධ වීසා බලපත්ර අයදුම්පත් සඳහා සහාය විය හැකි අතර සුදුසුකම් ලත් 7 හෝ 8 මට්ටමේ පාඨමාලා සඳහා ලියාපදිංචි වී ඇත්නම් එම සිසුන්ගේ හවුල්කරුවන්ට සහකරුගේ රැකියා වීසා බලපත්රයක් සඳහා ඉල්ලුම් කළ හැකියි.
