වත්මන් රජය විසින් Student Visa ගාස්තු ඉහළ දැමීමෙන් පසු අනාගතයේදී ඔස්ට්රේලියාවට පැමිණෙන ජාත්යන්තර සිසුන් විශාල වශයෙන් අඩු වන බවට නව සමීක්ෂණයක් මගින් අනාවරණ වී තිබෙනවා.
2024-2025 නව මුල්ය වර්ෂයේ ආරම්භයත් සමග සිදු කළ වීසා ගාස්තු වැඩි කිරීම හේතුවෙන් ලෝකයේ වඩාත්ම මිල අධික Student Visa ඇති රටක් බවටයි ඕස්ට්රේලියාව පත්වී ඇත්තේ.
ආපසු නොගෙවන වීසා ගාස්තුව ඩොලර් 710 සිට ඩොලර් 1,600 දක්වා ඉහළ ගොස් ඇති අතර, එමගින් ඔස්ට්රේලියාව ජාත්යන්තර සිසුන් ගෙන්වා ගැනීමට කැමැත්තක් නොමැති බවට පෙනී යන බව විචාරකයන් පෙන්වා දෙනවා.
මෙම හේතුව මත හොඳ අධ්යාපනයක් ලබා ගැනීමේ අරමුණින් ඔස්ට්රේලියාව තෝරා ගැනීමට සිටි සිසුන් වෙනත් විකල්ප වෙත යොමු වනු ඇති බව පර්යේෂණය මගින් සඳහන් කර තිබෙනවා.
සිඩ්නි විශ්ව විද්යාලයේ පශ්චාත් උපාධි නියෝජිත සංගමයේ නිලධාරීන් ප්රකාශ කළේ වීසා ගාස්තු වැඩි කිරීම සහ ලබා දී ඇති කෙටි දැනුම්දීම හේතුවෙන් සිසුන් කම්පනයට පත් වූ බවයි.
මෙම ගාස්තු ඉහළ යාම මගින් ඔස්ට්රේලියාවේ අධ්යාපන ක්රමය පිළිබඳ වැඩි වටිනාකමක් පිළිබිඹු කරන බව අධ්යාපන අමාත්ය ජේසන් ක්ලෙයාර් ප්රකාශ කළා.
එහෙත් මීට වසර කිහිපයකට පෙර සිසුන්ගේ ජනප්රිය ගමනාන්තයක් වූ ඕස්ට්රේලියාව මේ වන විට බොහෝ දෙනෙකුට ළඟා විය නොහැකි වීම හේතුවෙන් දැරිය හැකි විකල්ප සෙවීමට සිසුන් පොළඹවා ඇති බවයි වාර්තා වන්නේ.
