මෙල්බන්හි නිවාස සංකීර්ණ දෙකක සිදු කළ පොලිස් මෙහෙයුමකින් පුද්ගලයන් 15 දෙනෙකු අත්අඩංගුවට ගෙන තිබෙනවා.
වෙළඳසැල් ගිනි තැබීම් සහ මත්ද්රව්ය ජාවාරම්කරුවන් ඉලක්ක කර ගනිමිනුයිවික්ටෝරියා පොලිසිය මෙම මෙහෙයුම සිදු කර ඇත්තේ.
පාර්ක් ස්ට්රීට් සහ ඩොර්කාස් ස්ට්රීට් හි නිවාස සංකීර්ණ දෙක වෙත පොලිසිය පැමිණ ඇත්තේ අධිකරණයෙන් ලබා ගත් වරෙන්තු 20කට වඩා වැඩි ප්රමාණයක් සහිතවයි.
සොරකම්වලට සම්බන්ධ පුද්ගලයන්, මෝටර් රථ සොරකම් කරන්නන්, ගෘහස්ථ ප්රචණ්ඩත්වයට සම්බන්ධ පුද්ගලයන් සහ ගිනි තැබීම් ඇතුළු සිදුවීම්වලට සම්බන්ධ 15 දෙනෙකු ,මෙහිදී අත්අඩංගුවට ගෙන තිබෙනවා.
පොලිසිය, අපරාධ විමර්ශන ඒකකයේ නිලධාරීන් සමඟ නිල සුනඛ අංශයේ සහාය ද මේ සඳහා ලබාගෙන තිබුණා.
අත්අඩංගුවට පත්වූවන් අතර වයස අවුරුදු 23 ත් 59 ත් අතර වයස්වල පසුවන පිරිමි පුද්ගලයන් 8 දෙනෙකු සහ කාන්තාවන් 7 දෙනෙකු වනවා.
අවට ප්රදේශවාසීන් ද මෙම මෙහෙයුම සම්බන්ධයෙන් ඔවුන්ගේ කෘතඥතාව පළ කර ඇති අතර සියලු නිවැසියන්ට වටපිටාව තුළ ආරක්ෂිත ලෙස සිටීමට අවස්ථාව ලබාදීම අරමුණ බවයි පොලිසිය ප්රකාශ කළේ.
