මෙල්බන් නගරාසන්නයේ පිහිටි අපද්රව්ය කළමනාකරණ මධ්යස්ථානයක කසළ ගොඩක තිබී කාන්තාවකගේ මළ සිරුරක් හමුවීමේ සිද්ධියක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.
එපිං හි (Epping) පිහිටි මෙම අපද්රව්ය කළමනාකරණ මධ්යස්ථානයෙන් හමුවූ කාන්තා සිරුර සම්බන්ධයෙන් පුද්ගල ඝාතනයක් ලෙස සලකා විමර්ශන ආරම්භ කර ඇති බවයි පොලිසිය ප්රකාශ කළේ.
මෙම ස්ථානයට අපද්රව්ය රැගෙන යන කාර්ය මණ්ඩලය විසින් මෙම සිරුර සොයාගෙන ඇති අතර මියගොස් ඇති කාන්තාවගේ අනන්යතාවක් මෙතෙක් හෙළිවී නැහැ.
පශ්චාත් මරණ පරීක්ෂණයේ ප්රතිඵල ලැබීමෙන් අනතුරුව සිරුර හඳුනා ගැනීමේ විමර්ශන ආරම්භ කිරීමට නියමිතයි.
පොලිසිය පැවසුවේ පසුගිය අඟහරුවාදා කූලරූ (Coolaroo) ප්රදේශයේ පිහිටි ඉඩමකින් මෙම මෙම අපද්රව්ය කළමනාකරණ මධ්යස්ථානයට රැගෙන යන ලද කසළ බඳුනක් තුළ කාන්තාව සිටි බවට විශ්වාස කරන බවයි.
මෙහිදී නිශ්චිතව සිදුවූයේ කුමක්ද යන්න සොයා බැලීමට පොලිස් නිලධාරීන් CCTV දර්ශන ලබා ගනිමින් විමර්ශන සිදු කිරීමටයි සැලසුම් කර ඇත්තේ.
