MasterChef Australia තරඟාවලියේ අවසන් පස්දෙනා අතරට පැමිණීමට ශ්රී ලාංකීය තරඟකාරියක් වන සවින්ද්රි පෙරේරා සමත්වී තිබෙනවා.
ඇය මෙම තරගාවලියේ එක් වටයකදී ඉවත් වීමට සිදු වූ අතර ඇයගේ කෑම සකස් කිරීමේ දක්ෂතා සහ ඉදිරිපත් කිරීමේ හැකියාවන් හේතුවෙන් නැවත තරගය සඳහා අවතීර්ණ වීමට විනිශ්චය මණ්ඩලය අවස්ථාව ලබාදී තිබුණා.
ඇය සකස් කරන ලද ශ්රී ලාංකීය ආහාරවලට විනිසුරුවන් අතිශයින් ප්රිය කිරීම හේතුවෙන් මෙම අවස්ථාව ලැබුණු අතර මෙම තරුණිය නැවතත් තම හදවත්වලට පිවිසිණු බවයි විනිසුරුවරුන් සඳහන් කළේ.
මෙවර තරගවටය සදහා ඇය ඉදිරිපත් කර තිබුණේ කුකුල්මස් කරියක් වන අතර ඒ පිළිබද අදහස් දක්වමින් ඇය සංවේදී වුණා.
මෙම මස් කරිය පිස ඇත්තේ ඇයගේ මවගේ වට්ටෝරුවකට අනුව වන අතර තම මව ශ්රී ලාංකීය කුලුබඩු යොදා මස්කරිය රසවත් කරන ආකාරය ගැන ඇය එහිදි සඳහන් කළා.
MasterChef තරගාවලියක් තුළ මෙලෙස ශ්රී ලාංකීය ආහාරවේලක් ඉදිරිපත් කිරීමට ලැබීම ගැන තමන් ආඩම්බර වන බවයි සිය ඉන්ස්ටග්රෑම් ගිණුමේ සටහනක් තබමින් ඇය කියා සිටියේ.
සවින්ද්රි පෙරේරා මීට පෙර තරඟවල සකස් කරනු ලැබූ රසවත් ශ්රී ලාංකීය ආහාරවල රස බැලීමෙන් පසුව MasterChef Australia විනිසුරුවන් තරඟයට නැවත පැමිණීම සඳහා සවින්ද්රි තෝරා ගෙන තිබුණා.
වයස අවුරුදු 18 දී ඇඩිලේඩ් වෙත පැමිණෙන ඇය එතෙක් ජීවත් වූ ශ්රී ලංකාවේ, ග්රාමීය ඉවුම් පිහුම් විලාසය මෙන්ම පිළිගැන්වීම ඇගයීමට ලක්ව ඇති බවයි වාර්තා වන්නේ.
තරඟය කෙරෙහි අවධානය යොමු කිරීම සඳහා රැකියාවෙන් පවා ඉවත් වූ ඇය, MasterChef Australia තරඟාවලියේ ඉදිරි තරග වට සඳහා සූදානම් වෙමින් පසු වනවා.
