සෑම ඔස්ට්රේලියානුවන් පස් දෙනෙකුගෙන් එක් අයෙක් ආබාධිත තත්වයෙන් පෙළෙන බව ජන හා සංඛ්යාලේඛන කාර්යාංශ දත්ත පෙන්වා දී තිබෙනවා.
එම අගය මෙරට සමස්ථ ජනගහනය හා සැසඳීමේ දී මිලියන 5.5ක් වන අතර 2018 වසරේ දී මෙම අගය සටහන්ව තිබී ඇත්තේ මිලියන 4.4ක් ලෙසයි.
ආබාධිත පුද්ගලයින්, වයස්ගත පුද්ගලයින් හා රැකබලාගන්නන් පිළිබඳ සිදු කළ අධ්යනයකින් අනතුරුව මෙම වාර්තාව නිකුත් කර තිබුණා
එහි දැක්වෙන තොරතුරු අනුව සෑම වයස් කාණ්ඩයකම පිරිමි පුද්ගලයන්ට සාපේක්ෂව කාන්තාවන් අබාධිත වීමේ ඉහළ ප්රවණතාවක් පවතින බව සඳහන්.
අවුරුදු 15 හෝ ඊට වැඩි ආබාධ සහිත පුද්ගලයින්ගෙන් සියයට 45ක් වසර 12ක් හෝ ඊට සමාන අධ්යාපන මට්ටමක් සම්පූර්ණ කර ඇති අය වීම ද විශේෂත්වයක්.
තවද මෙරට සිටින වයස අවුරුදු 65 සහ ඊට වැඩි පුද්ගලයින්ගෙන් අඩක්ම අබාධ සහිත පුද්ගලයින් බවයි හඳුනාගෙන ඇත්තේ.
