ඔස්ට්රේලියාවේ ෆෙඩරල් පොලිසිය වෙත වාර්තා වන සෑම ලිංගික අතවර සිදුවීම් 5න් 3ක්ම ගෘහස්ත හිංසනයන් හා සම්බන්ධ පැමිණිලි බව හෙළිව තිබෙනවා.
ජනතාවට දැනුම් දෙන්නේ මෙරට ජීවත් වීමේදී කුමන හෝ ලිංගික හිංසනයකට ලක්වන්නේ නම් 1800 737 737 දුරකතන අංකය හෝ 131114 යන ක්ෂණික දුරකතන අංක ඔස්සේ ගෘහස්ථ ප්රචණ්ඩත්වය පිළිබඳ උපදේශන සේවාව අමතන ලෙසටයි.
වාර්තා වන සිදුවීම් සංඛ්යාව ඉහළ යාම හේතුවෙන් ප්රාන්තයෙන් ප්රාන්තයට ලිංගික අතවර සහ ගෘහස්ත ප්රචණ්ඩත්වය ගැන දැනුම් දීමට මෙන්ම අවශ්ය උපකාර ලබාදීම සඳහා ප්රාදේශීය උපදේශණ සේවා ද ආරම්භ කර තිබෙනවා.
මෑත කාලීනව වික්ටෝරියා ප්රාන්තයේ අයෙක් ලිංගික අතවරයක් හෝ ගෘහස්ත ප්රචණ්ඩත්වයකට ලක්වී ඇත්නම් 1800 806 292 යන දුරකතන අංක ඔස්සේ අවශ්ය උපකාරක සේවා ලබා ගත හැකියි.
මෙම සේවාවේ විශේෂත්වය වනුයේ සවස 5 සිට පසුදින උදෑසන 9 තෙක් රාත්රී කාලයේත් අඛණ්ඩ සේවා මේ හරහා සේවා ලබා ගැනීමට හැකි වීමයි.
සති අන්ත සහ රජයේ නිවාඩු දිනවල ද මෙම සේවාව හා සම්බන්ධ වීමට වික්ටෝරියානු වැසියන්ට අවස්ථාව හිමිවනවා.
