වික්ටෝරියා ප්රාන්ත මැති ඇමතිවරුන්ට සිදු කළ වැටුප් වැඩිවීම අනුව ඔස්ට්රේලියාවේ වැඩිම වැටුප් ලබන අගමැති බවට ජසින්ටා ඇලන් පත්ව තිබෙනවා.
වසර දෙකක කාලයක් තුල මන්ත්රීවරුන්ට සිදු කළ දෙවැනි වැටුප් වැඩිවීම මෙය වන අතර ප්රාන්ත දේශපාලනඥයන්ට වැටුප් වැඩිවීම පිළිබඳ ජනතාව අතර කනස්සල්ලක් මතුවී ඇති බවයි සඳහන් වන්නේ.
ජසින්ටා ඇලන් මේ වන විට රටේ ඉහළම වැටුප් ලබන අගමැතිනිය වන අතර ඇයගේ වැටුපට අනෙකුත් හිමිකම් දීමනා ද ඇතුළත් කළ විට ඩොලර් මිලියන භාගයක් පමණ මුදලක් ලැබෙන වන බව සඳහන්.
කෙසේ වෙතත් නියෝජ්ය අග්රාමාත්ය බෙන් කැරොල් අද ප්රකාශ කළේ තමාගේ වැටුප් වැඩිවීම යුනිසෙෆ් සංවිධානය වෙත පරිත්යාග කරන බවයි.
සියලුම මන්ත්රීවරුන්ට නව මූල්ය වර්ෂයට අනුව සියයට 3.5ක වැටුප් වැඩිවීමක් ලබා දී ඇති අතර එම වැටුප් සඳහා ඩොලර් මිලියනයක පමණ මුදලක් වෙන් කෙරෙනු ඇති.
පසුපෙළ මන්ත්රීවරුන් ද මේ වන විට ඩොලර් ලක්ෂ දෙකකට වැඩි මුදලක් උපයන අතර ඔවුන්ට ද දීමනා වැඩි කර ඇති බවයි වාර්තා වන්නේ.
ඔවුන්ට රථ වාහන සඳහා ගෙවන මුදල සියයට 3.4ක්, අනෙකුත් ගමන් බිමන් සඳහා සියයට 3.6ක් සහ ඡන්ද දායකයකයන්ට දීමනා වශයෙන් තවත් සියයට 6.1ක් ඉල්ලා සිටීමට හැකි බව සඳහන්.
වික්ටෝරියා ප්රාන්ත මන්ත්රීවරුන්ගේ වැටුප් වැඩි කිරීම සම්බන්ධ තීරණය ගෙන ඇත්තේ ස්වාධීන විනිශ්චය සභාවක් විසින් වුව ද ප්රාන්තයේ රෝහල්වලට ලබාදෙන අරමුදල් කප්පාදුව මෙන්ම ජීවන වියදම් පීඩනයන් හේතුවෙන් ඒ සම්බන්ධයෙන් චෝදනා එල්ලවී තිබෙනවා.
අගමැතිනිය සහ විපක්ෂ නායකවරයා නිවාඩු ලබා සිටින බැවින් ඔවුන් තම වැටුප් වැඩිවීම පුණ්ය කටයුතු සඳහා පරිත්යාග කරන්නේ දැයි මෙතෙක් හෙළිවී නැහැ.
