මැඩ්රිඩ් සිට උරුගුවේ බලා පියාසර කරමින් තිබූ ගුවන් යානයක් දැඩි වායු කැළඹීමකට හසුවීමෙන් පුද්ගලයන් 30 දෙනෙකු තුවාල ලබා තිබෙනවා.
ස්පාඤ්ඤ ගුවන් සේවයක් වන එයාර් යුරෝපා (Air Europa) සමාගමට අයත් Boeing 787 වර්ගයේ යානය මෙම අනතුරත් සමග බ්රසීලයට හදිසි ගොඩබෑමක් කර ඇති බවයි වාර්තා වන්නේ.
ගුවන් යානය සාමාන්ය ආකාරයෙන් ගොඩ බැස්වීමට නියමුවන් සමත්වී ඇති අතර කැළඹීමට හසුවූ අවස්ථාවේ විවිධ ආකාරයේ තුවාල ලැබුවන් මේ වන විට රෝහල්ගතව ප්රතිකාර ලබන බව සඳහන්.
අනතුරට ලක්වන විට ගුවන් යානයේ මගින් ඇතුළු කාර්ය මණ්ඩල සාමාජිකයන් 339 දෙනෙකු ගමන් කරමින් සිට තිබෙනවා.
යානය වායු කැළඹීමට හසුවන අවස්ථාවේ තුවාල ලැබූ මගීන් 30 දෙනාගෙන් වැඩි පිරිසක් ආසන පටි පැළඳ නොසිටි අය බවටයි අනාවරණ වී ඇත්තේ.
ස්පාඤ්ඤ ගුවන් සේවය පැවසුවේ මැඩ්රිඩ් සිට තවත් ගුවන් යානයක් පිටත්ව ගොස් බ්රසීලයේ අතරමංව සිටින මගීන් රැගෙන උරුගුවේ බලා යාමට නියමිත බවයි.
