ඔස්ට්රේලියාවේ ඉලෙක්ට්රොනික දුම්වැටි සම්බන්ධයෙන් පවතින නීතිවලට අදාළ පළමු අදියරේ වෙනස්කම් බලාත්මක කර තිබෙනවා.
ඒ අනුව ඊයේ සිට නිකොටින් අඩංගු ඉලෙක්ට්රොනික දුම්වැටි නීත්යානුකූලව ෆාමසි මගින් අලෙවි කළ හැක්කේ වෛද්යවරයාගේ නිර්දේශ සහිත ඖෂධ වට්ටෝරුවක් සහිත පුද්ගලයින්ට පමණයි.
ඔස්ට්රේලියාවේ නීති අනුව මෙතෙක් කලක් දුම්පානය නතර කිරීමට අවශ්යතාවක් ඇති පුද්ගලයින්ට ඖෂධ අලෙවිසල් මගින් ඉලෙක්ට්රොනික දුම්වැටි ලබා ගැනීමට හැකියාව පැවතුණා.
කෙසේ නමුත් පොදුරාජ්ය මණ්ඩලීය නව පනත් කෙටුම්පත් සංශෝධනයන් සමග ඊ දුම්වැටි සම්බන්ධයෙන් පවතින නීති ඔක්කෝබර් පළමුවනදා සිට යළි ළිහිල් කිරීමට සිදුවනු ඇති.
ඒ අනුව ඊයේ සිට ක්රියාත්මක කෙරෙන, වෛද්ය නිර්දේශ මත පමණක් ඉලෙක්ට්රොනික දුම්වැටි මිලදී ගැනීමට ඇති හැකියාව අහෝසි වී වෛද්ය නිර්දේශ රහිතව අවුරුදු 18ට වැඩි ඕනෑම අයෙකුට ඒවා මිලදී ගැනීමේ හැකියාව හිමි වනවා.
එලෙස මිලදී ගැනීමට අවස්ථාව ලැබෙන්නේ ෆාමසිවල සිටින ඖෂධවේදීන් විසින් එම දුම්වැටිවල පවතින අහිතකර තත්වයන් පිළිබඳ කෙරෙන දැනුවත් කිරීමකින් පසුව සහ වයස සම්බන්ධ තහවුරු කිරීමකින් ද පසුවයි.
ඒ අනුව ඉදිරියේදී ෆාමසිවලින් පමණක් නිකොටින් සහිත ඉලෙක්ට්රොනික දුම්වැටි මිලදී ගැනීමේ හැකියාව පවතින අතර එම ක්රියාවලිය සාමාන්යයෙන් දුම්වැටි පැකට්ටුවක් මිලදී ගැනීම හා සමාන වනු ඇති.
මෙම පියවර සම්බන්ධයෙන් ඖෂධවේදින් අතර පැහැදීමක් නොමැති අතර එය ව්යසනකාරී විය හැකි බවයි ඔවුන් අවධාරණය කර ඇත්තේ.
