ළමාරක්ෂක සේවකයින්ට තමන්ගේම දුරකථනවලින් දරුවන්ගේ ඡායාරූප ගැනීම නව මාර්ගෝපදේශ යටතේ තහනම් කිරීමට පියවර ගෙන තිබෙනවා.
ඊයේ සිට ක්රියාත්මක වන මෙම නව මාර්ගෝපදේශ යටතේ ඇතැම් ළමා සුරැකුම් මධ්යස්ථානවල සේවකයින්ට ඔවුන්ගේ දුරකථනයෙන් දරුවන්ගේ ඡායාරූප සහ වීඩියෝ ගැනීමට තවදුරටත් අවසර හිමිවන්නේ නැහැ.
නව ජාතික මාර්ගෝපදේශ යටතේ, ළමුන්ගේ දර්ශන ලබා ගැනීමට භාවිත කළ හැක්කේ මුල් ළමාවිය අධ්යාපනය සහ රැකවරණ සේවා මගින් නිකුත් කරන ලද උපකරණ පමණයි.
මුල් ළමාවිය අධ්යාපන අමාත්ය ඈන් අලී ප්රකාශ කළේ මෙම නීති හඳුන්වාදීමේ අරමුණ මුල් ළමාවිය අධ්යාපනය සහ රැකවරණ සපයන සේවකයන්ට එම සේවය තුළ ළමා සුරක්ෂිත සංස්කෘතියක් ඇති කිරීමට බවයි.
සියලුම පූර්ව ළමාවිය අධ්යාපනය සහ රැකවරණ සේවාවන් තුළ සිටින දරුවන්ගේ ආරක්ෂාව සහතික කිරීම සඳහා ක්රියා කරන බව අමාත්යවරිය අවධාරණය කළා.
ෆෙඩරල් අධ්යාපන අමාත්ය ජේසන් ක්ලෙයාර් පැවසුවේ, ඔස්ට්රේලියාවේ මුල් ළමාවිය අධ්යාපනය සහ රැකවරණය පිළිබඳ ඉතා හොඳ ක්රමයක් තිබුණ ද ඒ වෙනුවෙන් කළ හැකි තවත් බොහෝ දේ ඇති බවයි.
ෆෙඩරල් රජය විසින් මුල් ළමාවිය අධ්යාපනය සහ රැකවරණ සපයන්නන් වෙනුවෙන් හඳුන්වා දුන් නීති අනුගමනය කිරීමට දැනුම්දී ඇති අතර තවදුරටත් ආරක්ෂක ප්රතිසංස්කරණ ක්රියාත්මක වෙමින් පවතින බව සඳහන් කර තිබෙනවා.
