ඔස්ට්රේලියානු නිවාස ණය හිමියන්ගෙන් වැඩි පිරිසක් තම නිවාස ණය වාරික කාලය දීර්ඝ කර ගැනීම සඳහා ක්රියා කරන බව නවතම අධ්යනයක දී තහවුරු වී තිබෙනවා.
Finder විසින් සිදුකළ අධ්යනය සඳහා 1000කට වැඩි පිරිසක් ප්රතිචාර දක්වා ඇති අතර ඔවුන්ගෙන් සියයට 13ක් සඳහන් කර ඇත්තේ පසුගිය මාස 12 තුළ තම නිවාස ණය දීර්ඝ කර ගැනීමට කටයුතු කළ බවයි.
සමස්ථ ඔස්ට්රේලියානුවන් හා සැසඳීමේ දී උකස් හිමියන්ගෙන් 429,000ක් පමණ තම ණය වාරික දීර්ඝ කර ගෙන ඇති බවයි සමීක්ෂණ දත්ත පෙන්නුම් කර ඇත්තේ.
2022 වසරේ අප්රේල් මාසයේ සිට මේ දක්වා උකස් ණය හිමියන් ණය වාරික දීර්ඝ කර ගැනීම හේතුවෙන් වසරකට ඩොලර් 21,000ක පමණ මුදලක් අමතරව ගෙවීමට සිදුවී තිබෙනවා.
උකස් හිමියන්ගෙන් සියයට හතක් ඔවුන්ගේ ණය කාලය වසර පහකට අඩු කාලයකින් දීර්ඝ කර ඇති බව ෆයින්ඩර් පර්යේෂණයෙන් සොයාගෙන ඇති අතර ණය දීර්ඝ කිරීමේ අරමුණ තම ජීවන වියදම් අර්බුධය පාලනය කර ගැනීම බවයි උකස් හිමියන් පවසන්නේ.
