හජ් වන්දනාවේ මරණ සංඛ්‍යාව 1000ත් ඉක්මවා යයි

සෞදි අරාබියේ පවතින අධික උෂ්ණත්වයට හමුවේ මියගිය හජ් වන්දනාකරුවන්ගේ සංඛ්‍යාව 1000 ඉක්මවා ගොස් ඇතැයි අනාවරණ වී තිබෙනවා.

පසුගිය දිනවල මක්කම සහ ඒ අවට කලාපයේ උෂ්ණත්වය සෙල්සියස් අංශක 51.8 දක්වා ඉහළ ගොස් ඇති බවයි වාර්තා වන්නේ.

මෙවර හජ් වන්දනාවේ දී රටවල් 10කින් පමණ මරණ 1,081 ක් වාර්තා කර ඇති අතර සෞදි අරාබිය මෙතෙක් නිල මරණ සංඛ්‍යාව පිළිබඳව තොරතුරු හෙළි කර නැහැ.

අරාබි රාජ්‍ය තාන්ත්‍රිකයෙකු විදෙස් මාධ්‍ය වෙත ප්‍රකාශ කර ඇත්තේ මේ වන විට ඊජිප්තු ජාතිකයන් පමණක් 650 කට වඩා මියගොස් ඇති බවයි.

පකිස්ථානයෙන් පැමිණි වන්දනාකරුවන් 150,000 ක් පමණ අතරින් මරණ 58 ක් වාර්තා කර ඇති අතර 240,000ක් පමණ බැතිමතුන් පැමිණි ඉන්දුනීසියාවෙන් මරණ 183ක් වාර්තා වී තිබෙනවා.

සෑම වසරකම වන්දනාකරුවන් දස දහස් ගණනක් විවිධ මාර්ග හරහා හජ් වන්දනාවට පැමිණෙන්නේ ඔවුන්ට නිල බලපත්‍ර ලබා ගැනීමට නොහැකි වීම හේතුවෙන්.

සෞදි බලධාරීන් සඳහන් කර ඇත්තේ මෙවර මක්කමට පැමිණ සිටි ලියාපදිංචි නොවූ වන්දනාකරුවන් ලක්ෂ ගණනක් ඉවත් කර ඇති බවයි.

2015 වසරේ හජ් වන්දනාව අතර ඇති වූ තෙරපීමකින් වන්දනාකරුවන් 2,400 කට වැඩි පිරිසක් මිය ගිය අතර එය හජ් වන්දනාවක වාර්තා වූ වැඩිම මරණ සංඛ්‍යාවයි.

ඔස්ට්‍රේලියාවේ ජනප්‍රිය වල් නාශකයක් ගැන අධිකරණ නියෝගයක්

බේයර් සමාගම විසින් බෙදා හරිනු ලබන වල්නාශකයක් මගින් රුධිර පිළිකා ඇති කරන බවට වූ නඩුව ෆෙඩරල් අධිකරණයේ විනිසුරු මයිකල් ලී විසින් ප්‍රතික්ෂේප කර තිබෙනවා.

Read More »

ගිප්ස්ලන්ඩ් ප්‍රදේශයේ පාසල් ළමයින් රැගෙන ගිය බස් රථයක් අනතුරක

වික්ටෝරියා ප්‍රාන්තයේ ගිප්ස්ලන්ඩ් (Gippsland region) ප්‍රදේශයේදී පාසල් සිසුන් 20 දෙනෙකු රැගෙන යමින් තිබූ බස් රථයක් මෝටර් රථයක ගැටීමෙන් අනතුරක් සිදුව තිබෙනවා.

Read More »

ඔස්ට්‍රේලියාවේ Energy Drink ගන්නවා නම් මේ ගැනත් අවධානයෙන් ඉන්න

දකුණු ඔස්ට්‍රේලියා ප්‍රාන්තය පුරා සිදුකළ වැටලීමකදී නීති විරෝධී කැෆේන් අඩංගු ශක්තිජනක පාන වර්ග සිය ගණනක් අත්අඩංගුවට ගෙන තිබෙනවා.

Read More »