මෙල්බර්න්හි ගිනිකොන දෙසින් පිහිටි ජනප්රිය සංචාරක වෙරළ තීරයකදී කාන්තාවන්ට තම නිරුවත පෙන්වූ බවට චෝදනා මත පුද්ගලයෙකු වික්ටෝරියා පොලිසිය විසින් සිය භාරයට ගෙන තිබෙනවා.
සැකකරු කාන්තාවක් සහ වයස අවුරුදු 6 සහ 7 වයස්වල පසු වූ දැරියන් දෙදෙනෙකු ඉදිරියේ මෙලෙස අශෝභන ලෙසට හැසිරී ඇති බවයි චෝදනා එල්ල වී ඇත්තේ.
මෙම කාන්තාව තම දියණියන් දෙදෙනා සමග ඊයේ පස්වරු 4.15ට පමණ බ්රයිටන් බීච් හි සිටියදී මෙම අසභ්ය ක්රියාවට මුහුණ දී ඇතැයි සඳහන්.
සැකකරු මෙම කාන්තාව සහ දැරියන් ඉදිරියේ අවස්ථා දෙකකදී පමණ මෙම අශෝභන ක්රියාවේ නිරත වී අසල තිබූ පඳුරුවල සැඟවී ඇතැයි සඳහන්.
වික්ටෝරියා පොලිසිය නිවේදනයක් නිකුත් කරමින් කියා සිටියේ මේ සම්බන්ධයෙන් ලැබුණු තොරතුරකට අනුව නිලධාරීන් එම ස්ථානයට යොමු කර පඳුරු අතර සඟවා සිටි සැකකරු අත්අඩංගුවට ගත් බවයි.
හැම්ප්ටන් පාර්ක්හි පදිංචිකරුවෙක් වන 51 හැවිරිදි පුද්ගලයා මීට පෙර ද මෙවැනි ලිංගික ක්රියාකාරකම් සම්බන්ධයෙන් චෝදනා එල්ලවූ අයෙක් බවටයි හෙළිවී ඇත්තේ.
ඔහු අද මුරබ්බින් මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
