ඔස්ට්‍රේලියානුවන්ටත් Apple Vision Pro අත්දැකීම විඳගන්න අවස්ථාව

Apple Vision Pro හෙවත් ඇපල් සමාගමේ පළමු 3D කැමරා විශේෂාංගය ඔස්ට්‍රේලියාවට හඳුන්වා දී තිබෙනවා.

Apple සමාගම විසින් සිය පළමු virtual reality headset නිෂ්පාදනය ප්‍රකාශයට පත් කිරීමෙන් වසරකට පසුවයි Apple Vision Pro මෙලෙස ඔස්ට්‍රේලියාවට හඳුන්වා දෙනු ලබන්නේ.

මෙම උපාංගය මෙතෙක් අලෙවි කරනු ලබන්නේ ඇමරිකා එක්සත් ජනපදයේ පමණක් වන අතර අද Cupertino හි පැවති Worldwide Developers Conference (WWDC) හිදී ඔස්ට්‍රේලියාව සඳහා සිය නිෂ්පාදනය අලෙවි කරන දිනය ප්‍රකාශයට පත් කරනු ලැබුවා.

ඒ අනුව ඔස්ට්‍රේලියානුවන්ට ඇපල් විෂන් ප්‍රෝ ලබන 28 වනදා සිට ඇණවුම් කිරීමට අවස්ථාව පවතින අතර ජූලි 12 වන දින සිට ඒවා පාරිභෝගිකයන්ට ලබා දෙනු ඇති.

ඔස්ට්‍රේලියාවේ ඩොලර් 5999ක මුදලකට අලෙවි කෙරෙන Apple Vision Pro මිල ගණන් සැලකෙන්නේ මෙතෙක් අලෙවි කෙරුණු මිල අධිකම Apple නිෂ්පාදනවලින් එකක් ලෙසටයි.

පෙබරවාරි මාසයේ අලෙවිය සිදු කරනු ලැබූ ඇමරිකාව තුළ උපාංගයේ සාර්ථකත්වය පිළිබඳ පසුගිය මාස කිහිපයේ කිසිදු ප්‍රකාශයක් සිදු වී නැහැ.

ෆේස්බුක් අයත් මෙටා සමාගම විසින් Meta’s Quest headset හඳුන්වා දෙනු ලැබුව ද වෙළඳපොලේ ඇති Apple සමාගමේ නිෂ්පාදනය පුළුල් ප්‍රේක්ෂක පිරිසක් වෙත ආකර්ෂණය වී ඇති බවයි වාර්තා වන්නේ.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »