පන්දුවාර 20 ලෝක කුසලාන ක්‍රිකට් තරගාවලියේ ඔස්ට්‍රේලියාව සමග පැවැත්වෙන තරගය ජය ගැනීමට එංගලන්තයට ලකුණු 202ක ඉලක්කයක් හිමිව තිබෙනවා.
බ්‍රිජ්ටවුන්හිදී පැවැත්වෙන මෙම තරගයේ කාසියේ වාසිය දිනූ එංගලන්ත කණ්ඩායම තීරණය කළේ පළමුවෙන් පන්දුවට පහරදීමේ අවස්ථාව ඔස්ට්‍රේලියාවට ලබාදීමටයි.
ඒ අනුව පිටියට පිවිසි කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 201ක් රැස් කළා.
Travis Head පන්දු 18කින් ලකුණු 34ක් සහ David Warner පන්දු 16 කින් ලකුණු 39ක් ලබා ගත්තා. Mitchell Marsh 35යි.
මෙවර පන්දු වාර 20 ලෝක කුසලාන තරගාවලියේ කණ්ඩායමක් රැස් කළ වැඩිම ලකුණු සංඛ්‍යාව ද මෙයයි.
තරගාවලියේ පළමු තරගයේදී කැනඩාව ලකුණු 194ක් රැස් කළ අතර සත්කාරක ඇමරිකාව ලකුණු 197ක් ලබාගෙන එම තරගයේ ජය හිමි කර ගත්තා.
