ඔස්ට්‍රේලියාවේ මරණවලට ප්‍රධානතම හේතු හෙළිවේ

ඔස්ට්‍රේලියානුවන්ගේ මරණවලට ප්‍රධාන වශයෙන් හේතුවන රෝගාබාධ ඇතුලු කරුණු කිහිපයක් පිළිබඳ සෞඛ්‍ය අංශ නවතම අනාවරණයක් සිදු කර තිබෙනවා.

2022 වසරේදී ඕස්ට්‍රේලියානුවන් 40,000කට ආසන්න සංඛ්‍යාවක් මිය යාමට ප්‍රධාන හේතුව වූයේ හෘද රෝග බවයි හෙළිවී ඇත්තේ.

එය අනෙක් සියලු රෝගාබාධවලින් මියයන සංඛ්‍යාවට වඩා වැඩි ප්‍රමාණයක් ලෙසටයි සැලකෙන්නේ.

ඔස්ට්‍රේලියානු සෞඛ්‍ය හා සුභසාධන ආයතනයේ (AIHW) නව වාර්තාවක දක්වෙන්නේ මෙම තත්ත්වය සමස්ත මරණවලින් සියයට 20 ක පමණ ප්‍රමාණයක් බවයි.

හෘද රෝග වැඩිම මරණවලට හේතුව වන අතර, ඩිමෙන්ශියාව, අධි රුධිර පීඩනය, දියවැඩියාව, ශ්වසන ආසාදන වැනි රෝග ද ඔස්ට්‍රේලියානුවන්ගේ මරණවලට හේතු ලෙසට හඳුනාගෙන තිබෙනවා.

මෙම වාර්තාව සම්පාදනය කර ඇත්තේ මරණ සහතිකවල ලැයිස්තුගත කර ඇති සියලුම කරුණු සොයා බැලීමෙන් අනතුරුවයි.

අධි රුධිර පීඩනය, දියවැඩියාව, මත්පැන් භාවිතය සම්බන්ධ රෝගී තත්වයන්, COVID-19 සහ වෙනත් සාධක ද මරණ සහතිකයේ සටහන් විය හැකි බව සමීක්ෂකයන් පෙන්වා දෙනවා.

ඔස්ට්‍රේලියානුවන්ගේ ජීවන තත්ත්වය වැඩිදියුණු කිරීම සඳහා හඳුන්වා දී ඇති සෞඛ්‍ය ආරක්ෂණ ක්‍රමවේදයන් උපාය මාර්ග සඳහා මෙවැනි වාර්තා උපකාරී වනු ඇතැයි ඔවුන් විශ්වාසය පළ කරනවා.

සමීක්ෂකයන් පෙන්වා දෙන්නේ මෙමගින් ජනතාවට වැඩි අවදානමක් ගෙන එන රෝග තත්වයන් පිළිබඳව අවබෝධයක් ලබා ගත හැකි අතර රෝගවල බලපෑම අවම කිරීම වෙනුවෙන් සෞඛ්‍ය ක්‍රමවේද ප්‍රවර්ධනයට ද එය දායක වන බවයි.

ඔස්ට්‍රේලියානුවන්ගේ රැකියා සම්බන්ධ නවතම තත්වය මෙන්න

ඔස්ට්‍රේලියාව තුළ නව රැකියා 40,000ක් නිර්මාණය වීමත් සමඟ විරැකියා අනුපාතය සුළු වශයෙන් පහත වැටී ඇතැයි නවතම සමීක්ෂණ මගින් අනාවරණ වී තිබෙනවා.

Read More »

වික්ටෝරියාව හොල්ලන අපරාධකරුවන් කණ්ඩායම ගැන කවුරුත් නොසිතූ දෙයක් හෙළිවෙයි

වික්ටෝරියා ප්‍රාන්තයේ අපරාධ රැසකට සම්බන්ධ ප්‍රධාන සැකකරුවන් 20 දෙනා බාල වයස්කරුවන් පිරිසක් බවට තොරතුරු අනාවරණ වී තිබෙනවා.

Read More »