වික්ටෝරියා ප්‍රාන්තයේ කුරුළු උණ ආසාදිත දරුවාට සිදු වූ දේ

වික්ටෝරියා ප්‍රාන්තයේ තවත් කුකුළු ගොවිපලකින් කුරුළු උණ වාර්තා වීම හේතුවෙන් එය නිරෝධායනයට පියවර ගෙන තිබෙනවා.

ෆාම් ප්‍රයිඩ් ෆුඩ්ස් විසින් ප්‍රකාශයට පත් කරන ලද පරීක්ෂණ ප්‍රතිඵල අනුව ගෝල්ඩන් ප්ලේන්ස් ෂයර්හි පිහිටි ගොවිපලකින් වෛරසය හඳුනාගෙන ඇති බවයි වාර්තා වන්නේ.

එය මෙරඩිත්හි බිත්තර ගොවිපලකින් හමු වූ වෛරසය බවට ද තහවුරු වී තිබෙනවා.

වෛරසය හඳුනා ගත් ස්ථානයේ කිකිළියන් 80,000ක් පමණ සිටින අතර එය ගොවිපළේ සමස්ථ ධාරිතාවයෙන් සියයට අටක් පමණ වන බව සඳහන්.

එමෙන්ම එම ප්‍රදේශයේ කිකිළියන් 40,000 ක් පමණ සිටින තවත් ගොවිපලකින් සාම්පල ලබාගෙන පරීක්ෂාවට ලක් කෙරෙමින් පවතිනවා.

වික්ටෝරියා කෘෂිකාර්මික දෙපාර්තමේන්තුව තහවුරු කළේ වෛරසය හඳුනා ගත් ගොවිපළ නිරෝධායනය කර ඇති අතර සියලුම කුකුළු මස් ආරක්ෂිතව බැහැර කරන බවයි.

මීට පෙර මෙරිඩිත් සහ ටෙරං හි කුකුළු ගොවිපල දෙකකින් ද කුරුළු උණ අසාදනය අනාවරණය වී තිබුණා.

කුරුළු උණ යනු බෝවන වෛරස් රෝගයක් වන අතර එය ලොව පුරා ප්‍රධාන සත්ව විශේෂ කිහිපයක මරණවලට හේතුවී තිබෙනවා.

ඉන්දියාවේ සිට මෙරටට පැමිණි දරුවෙකු පසුගියදා කුරුළු උණ අසාදනය වී ඇති බවට හඳුනා ගැනුණු අතර ඔහු මේ වන විට සුවය ලබා ඇති බවයි වාර්තා වී ඇත්තේ.

ගෝලීය වශයෙන් මේ වන විට පැතිර යමින් පවතින කුරුළු ඉන්ෆ්ලුවෙන්සා රෝගය මිනිසාගෙන් මිනිසෙකුට පහසුවෙන් පැතිර යා හැකි බවට කිසිදු සාක්ෂියක් නොමැති බව ද වික්ටෝරියා සෞඛ්‍ය අංශ ප්‍රකාශ කර තිබෙනවා.

දැඩි ශීතල මැද එළිමහනේ නිදාගත් ඔස්ට්‍රේලියානු ආයතන ප්‍රධානීන්ට ඩොලර් මිලියන 7.7ක්

Vinnies CEO Sleepout වැඩසටහන යටතේ මෙවර ඔස්ට්‍රේලියාවේ ආයතන රැසක ඉහළ නිලධාරීන් දැඩි ශීතල මධ්‍යයේ රාත්‍රිය ගත කර ඩොලර් මිලියන 7.7ක මුදලක් රැස් කර තිබෙනවා.

Read More »

මිතුරියන්ගේ ඡායාරූප වෙනස්ම වැඩකට යොදා ගත් සිඩ්නි තරුණයෙකුට අමතක නොවන දඬුවමක්

තම මිතුරියන්ගේ පෞද්ගලික සමාජ මාධ්‍ය ගිණුම්වලින් ඡායාරූප ලබාගෙන ඒවා අසභ්‍ය වෙබ් අඩවියකට මුදා හැරීම සම්බන්ධයෙන් අත්අඩංගුවට ගත් සිඩ්නි පදිචිකරුවෙකුට වසර නවයක සිර දඬුවම් නියම කර තිබෙනවා.

Read More »

දුම්රිය නිසා මෙල්බන් පදිංචිකරුවන් පිරිසකට නිදහසක් නැති වෙයි

මෙල්බර්න් Thomastown පරදේශයේ විවෘත කරනු ලැබූ නව දුම්රිය ස්ථානය හේතුවෙන් තමන්ට දුෂ්කරතා රැසක් මතුවී ඇතැයි ප්‍රදේශවාසීන් චෝදනා කරනවා.

Read More »

සිඩ්නි රෝහලක රෝගියෙක් නිසා කාර්ය මණ්ඩලයටත් රෝහල් ගත වෙන්න වෙයි

සිඩ්නි රෝහලක සේවකයන් පිරිසකට පහර දී පිහියෙන් ඇනීමේ සිදුවීමක් හේතුවෙන් තමන්ට වැඩි ආරක්ෂාවක් අවශ්‍ය බව සෞඛ්‍ය සේවකයින් පවසනවා.

Read More »

මෙල්බර්න් සාප්පු සංකීර්ණයක් අසල වෙඩි තැබීමක්

මෙල්බර්න්හි සාප්පු සංකීර්ණයක් ආසන්නයේ සිදු වූ ගැටුමක් සහ වෙඩි තැබීමක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.

Read More »