අයහපත් කාලගුණයෙන් ශ්‍රී ලංකාවට දැඩි බලපෑම්

ශ්‍රී ලංකාවට මේ දිනවල පවතින අයහපත් කාලගුණික තත්ත්වය හමුවේ පුද්ගල මරණ 14 සහ අතුරුදහන්වීම් 5ක් වාර්තා වී ඇතැයි ආපදා කළමනාකරණ මධ්‍යස්ථානය නිවේදනය කර තිබෙනවා.

විශේෂයෙන් කලු ගඟ, ගිං ගඟ, කැලණි ගඟ, නිල්වලා ගඟ දෙපස සිටින ජනතාව ඉතා විමසිල්ලෙන් පසුවන ලෙසයි ආපදා අංශ වැඩිදුරටත් සදහන් කර ඇත්තේ.

මේ වනවිටත් ත්‍රිවිධ හමුදාව මෙන්ම පොලීසිය ආපදාවට පත් පුද්ගලයින් බේරා ගැනීම සඳහා යොදවා ඇති බවත් ඒ අනුව ආපදාවට පත් ජනතාව බේරා ගැනීමේ ක්‍රියාවන් මේ වනවිටත් අඛණ්ඩව සිදුවන බවයි වාර්තා වන්නේ.

අයහපත් කාලගුණය හමුවේ අද දින ශ්‍රී ලංකාවේ සෑම පාසැලක්ම වසා දැමීමට අධ්‍යාපන අමාත්‍යංශය පියවරගෙන තිබෙනවා.

මේ අතර වඩාත් නිවැරදි කාලගුණ අනාවැකි ප්‍රකාශ කිරීමේ හැකියාවක් තිබෙන ඩොප්ලර් රේඩාර් පද්ධතියක් ලංකාව තුළ තවමත් නැති වීම බරපතල තත්වයක් බව කාලගුණ විශේෂඥයින් පවසනවා

එම පද්ධතියක් තුළින් අධික වර්ෂාවක් නිවැරදි ලෙස පුරෝකථයන කර ගැනීමේ හැකියාව පවතිනවා.

ඒ හේතුවෙන් කාලගුණ විද්‍යා දෙපාර්තමේන්තුවට පවතින තාක්ෂණයන් මත කාලගුණ අනාවැකි සිදුකිරීමට සිදුව තිබෙන බව සදහන්.

සාමාන්‍ය ජනතාව, ධීවරයින් ඇතුළු විශාල සංඛ්‍යාවක් සෑම වසරකදීම ආපදාවන්ට ලක්වීම සාමාන්‍ය දෙයක් බවට පත්ව තිබෙන බවයි විශේෂඥයින් පෙන්වා දෙන්නේ.

ඔස්ට්‍රේලියානුවන්ගේ රැකියා සම්බන්ධ නවතම තත්වය මෙන්න

ඔස්ට්‍රේලියාව තුළ නව රැකියා 40,000ක් නිර්මාණය වීමත් සමඟ විරැකියා අනුපාතය සුළු වශයෙන් පහත වැටී ඇතැයි නවතම සමීක්ෂණ මගින් අනාවරණ වී තිබෙනවා.

Read More »

වික්ටෝරියාව හොල්ලන අපරාධකරුවන් කණ්ඩායම ගැන කවුරුත් නොසිතූ දෙයක් හෙළිවෙයි

වික්ටෝරියා ප්‍රාන්තයේ අපරාධ රැසකට සම්බන්ධ ප්‍රධාන සැකකරුවන් 20 දෙනා බාල වයස්කරුවන් පිරිසක් බවට තොරතුරු අනාවරණ වී තිබෙනවා.

Read More »