මෙල්බර්න් නුවරදී කාන්තාවක් විසින් පදවාගෙන ගිය මෝටර් රථයක් කොල්ලකෑම සම්බන්ධයෙන් බාල වයස්කරුවන් තුන් දෙනෙකු පොලිස් අත්අඩංගුවට ගෙන තිබෙනවා.
පසුගිය බ්රහස්පතින්දා සවස 3 ට පමණ Williams Landing හිදී සැකකරුවන් මෙම කාන්තාවට මරණ තර්ජනය කර රථයෙන් ඉවතට ඇද දමා එය පැහැරගෙන ගොස් ඇති බවයි පැවසෙන්නේ.
ඇයට මෙම සිදුවීමෙන් අනතුරක් වී නොමැති අතර වහාම සිද්ධිය පිළිබඳ පොලිසියට පැමිණිලි කර තිබුණා.
පැය කිහිපයකට පසුව Taylors Lake හිදී සැකාකර බාල වයස්කරුවන් තුන්දෙනා අත්අඩංගුවට ගැනීමට පොලිසිය සමත් වුණා.
කාන්තාවගේ මෝටර් රථය ද ඇයට ආපසු ලබා දුන් බවයි පොලිසිය සඳහන් කළේ.
අවුරුදු 15 සහ 17 වයස්වල පසුවන පිරිමි ළමයින් දෙදෙනාට මෝටර් රථ කොල්ලකෑම සම්බන්ධයෙන් චෝදනා එල්ල වී ඇති අතර ඔවුන් තිදෙනා ළමා අධිකරණයට ඉදිරිපත් කිරීමට නියමිතයි.
