බෙන්ඩිගෝහි ජය ශ්‍රී මහා බෝධි අංකුර රෝපණයට අගමැතිගෙනුත් සුබපැතුම්

අති උතුම් ජය ශ්‍රී මහා බෝධීන් වහන්සේගේ අංකුර ශාඛාවක් බෙන්ඩිගෝ නගරයේ බෝධි ධම්ම විහාර පරිශ්‍රයේ රෝපණය කිරීමේ පුණ්‍ය මහෝත්සවය සඳහා මේ වන විට සියලු කටයුතු සූදානම් වෙමින් පවතිනවා.

ලබන 9 වනදා දහවල් 12.30ට යෙදෙන සුබ මොහොතින් සියලු බෞද්ධ ආගමික වතාවත් සහ පුද සත්කාර සමගින් ශ්‍රී මහා බෝධි අංකුරය රෝපණය කිරීමට නියමිතයි.

ඒ අටමස්ථානාධිපති අති පූජ්‍ය පල්ලේගම හේමරතන නාහිමියන් ප්‍රමුඛ මහා සංඝරත්නය ඇතුලු සම්භාවනීය අමුත්තන්ගේ සහභාගීත්වයෙන්.

ශ්‍රී ලංකා රජයෙන් ඔස්ට්‍රේලියා රජය වෙත ඉතිහාසයේ පළමු වරටයි මෙවැනි පරිත්‍යාගයක් සිදු කරනු ලබන්නේ.

මේවන විට ඔස්ට්‍රේලියාවට වැඩම කරවා ඇති ජය ශ්‍රී මහා බෝධි අංකුර ශාඛාව ඔස්ට්‍රේලියානු රජයේ ජෛව ආරක්ෂණ අධිකාරියේ උද්භිත විද්‍යාඥ කණ්ඩායමක රැකවරණය යටතේ සුරක්ෂිතව වැඩ සිටිනවා.

මෙම බෝධි රෝපණ මංගල්‍යය ඔස්ට්‍රේලියා රජය සහ ශ්‍රී ලංකා රජය ඒකාබද්ධව සිදු කෙරෙන මහා පුණ්‍යකර්මයක් වන අතර එම උතුම් පුණ්‍යකර්මයට බැතිබර මාධ්‍ය දායකත්වය සපයනු ලබන්නේ ඔස්ට්‍රේලියාවේ අංක එකේ ශ්‍රී ලාංකික මාධ්‍ය ජාලය වන Ausලංකා TV, Ausලංකා Radio ප්‍රමුඛ Ausලංකා මාධ්‍ය ජාලයයි.

මෙම උතුම් පුණ්‍යකර්මය වෙනුවෙන් අග්‍රාමාත්‍ය ඇන්තනි ඇල්බනිස් ද විශේෂ පණිවුඩයක් නිකුත් කර තිබෙනවා.

ඔහු සඳහන් කළේ මෙම පූජනීය බෝධි වෘක්ෂය ඔස්ට්‍රේලියාවේ බෞද්ධ ප්‍රජාවට සහ සියලුම ඔස්ට්‍රේලියානුවන්ට දායාදයක් බවයි.

ඉදිරි වසර ගණනාවක කාලයක් තුල එය බුදු දහමේ විශිෂ්ටත්වය පිළිබඳ ජීවමාන සාක්ෂියක් වනු ඇති බව ඇන්තනි ඇල්බනිස් ප්‍රකාශ කළා.

මෙරට බෞද්ධ ප්‍රජාව, බහු සංස්කෘතියක් ඇති ඔස්ට්‍රේලියාවේ ශක්තිය සහ එකමුතුකම සඳහා මහඟු දායකත්වයක් සපයන අතර එම ශක්තිය සහ ශුභවාදී බව ඔස්ට්‍රේලියාව සැමට වඩා හොඳ තැනක් කරන බව අගමැතිවරයා සිය නිවේදනය මගින් පෙන්වා දී තිබෙනවා.

ජය ශ්‍රී මහා බෝධී අංකුර ශාඛාව ඔස්ට්‍රේලියානු පසෙහි වැඩෙන විට ගෞරවය සහ කරුණාව වැනි බෞද්ධ සාරධර්ම තවදුරටත් ප්‍රජාව තුළ වර්ධනය වේවා යන්න ප්‍රර්ථනා කරන බවයි අගමැතිවරයා කියාසිටියේ.

මිතුරියන්ගේ ඡායාරූප වෙනස්ම වැඩකට යොදා ගත් සිඩ්නි තරුණයෙකුට අමතක නොවන දඬුවමක්

තම මිතුරියන්ගේ පෞද්ගලික සමාජ මාධ්‍ය ගිණුම්වලින් ඡායාරූප ලබාගෙන ඒවා අසභ්‍ය වෙබ් අඩවියකට මුදා හැරීම සම්බන්ධයෙන් අත්අඩංගුවට ගත් සිඩ්නි පදිචිකරුවෙකුට වසර නවයක සිර දඬුවම් නියම කර තිබෙනවා.

Read More »

දුම්රිය නිසා මෙල්බන් පදිංචිකරුවන් පිරිසකට නිදහසක් නැති වෙයි

මෙල්බර්න් Thomastown පරදේශයේ විවෘත කරනු ලැබූ නව දුම්රිය ස්ථානය හේතුවෙන් තමන්ට දුෂ්කරතා රැසක් මතුවී ඇතැයි ප්‍රදේශවාසීන් චෝදනා කරනවා.

Read More »

සිඩ්නි රෝහලක රෝගියෙක් නිසා කාර්ය මණ්ඩලයටත් රෝහල් ගත වෙන්න වෙයි

සිඩ්නි රෝහලක සේවකයන් පිරිසකට පහර දී පිහියෙන් ඇනීමේ සිදුවීමක් හේතුවෙන් තමන්ට වැඩි ආරක්ෂාවක් අවශ්‍ය බව සෞඛ්‍ය සේවකයින් පවසනවා.

Read More »

මෙල්බර්න් සාප්පු සංකීර්ණයක් අසල වෙඩි තැබීමක්

මෙල්බර්න්හි සාප්පු සංකීර්ණයක් ආසන්නයේ සිදු වූ ගැටුමක් සහ වෙඩි තැබීමක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.

Read More »

කැන්බරා සහ හෝබාට් හිදී 3399ක් නිරුවතින් පිහිනයි

කැන්බරාහි බර්ලි ග්‍රිෆින් විලෙහි වාර්ෂිකව සිදු කරනු ලබන ශීත සෘතු නිරුවත් පිහිනීම සඳහා මෙවර වාර්තාගත පුද්ගලයන් පිරිසක් එක්ව තිබෙනවා.

Read More »