ඔස්ට්‍රේලියාවේ වඩාත්ම විශ්වාසී සහ අවිශ්වාදායක සන්නාම ප්‍රකාශයට පත් කෙරේ

ඔස්ට්‍රේලියාවේ පාරිභෝගිකයන් අතර වඩාත්ම විශ්වාසදායක සහ අවිශ්වාසදායක වෙළඳ සන්නාම පිළිබඳ අනාවරණයක් සිදු කර තිබෙනවා.

පෝල්ස්ටර් රෝයි මෝර්ගන් (Pollster Roy Morgan) විසිනුයි ඔස්ට්‍රේලියාවේ වඩාත්ම විශ්වාසදායක සහ විශ්වාස කළ නොහැකි වෙළඳ නාම ගෙනහැර දක්වමින් මෙම නව පර්යේෂණ වාර්තාව නිකුත් කර ඇත්තේ.

මෙම වසරේ මාර්තු කාර්තුවේ දත්ත ඊයේ නිකුත් කරන ලද අතර ජීවන වියදම සහ ඉහළ මිල ගණන් හේතුවෙන් Woolworths සහ Coles සුපිරි වෙළඳ සැල් පිළිබඳ මහජනතාවගේ විශ්වාසය පහත වැටී ඇතැයි එමගින් හෙළිවී තිබෙනවා.

ඒ අනුව 2024 වසරේ ඔස්ට්‍රේලියානුවන්ගේ වඩාත් විශ්වාසය දිනාගත් සන්නාමය ලෙසට පළමු තැනට පත්වී ඇත්තේ Bunnings Warehouse ආයතන සමූහයයි.

ජනතා විශ්වාසය, සාධාරණ මිල ගණන්, සන්නාම ශක්තිය සහ වෙළඳපල ආධිපත්‍යය ඇතුලු කරුණු මත ඔවුන් පළමු තැනට පත්වී ඇති බවයි රෝයි මෝර්ගන් ප්‍රධාන විධායක නිලධාරී මිචෙල් ලෙවින් ප්‍රකාශ කළේ.

මෙම ශ්‍රේණිගත කිරීමේ දෙවන තැනට Aldi Food Store පත්වී ඇති අතර තුන්වන තැන Kmart සුපිරි වෙළඳසැල් සමූහයට ලැබී තිබෙනවා.

ඇපල්, ටොයෝටා, ඔස්ට්‍රේලියා පෝස්ට් සහ සැම්සුන්ග් සමාගම ද ඔස්ට්‍රේලියාවේ ජනතා විශ්වාසය දිනාගත් සමාගම් අතරට අයත්.

ඔස්ට්‍රේලියාවේ ජනතාවට විශ්වාසයක් නොමැති සමාගම් අතරින් පළමු තැන Optus වෙත ලැබී තිබෙනවා.

පසුගිය වසරේ අගභාගයේදී මිලියන සංඛ්‍යාත ඔස්ට්‍රේලියානුවන්ට පැය 13ක කාලයක් ඔවුන්ගේ දුරකථන භාවිත කිරීමට නොහැකි වූ ඇනහිටීම හේතුවෙන් සමාගමට පැවති විශ්වාසය තවත් බිඳ වැටී ඇති බවයි පැවසෙන්නේ.

ජනතාවට විශ්වාසයක් නොමැති සමාගම් අතර දෙවන තැන ෆේස් බුක් සමාජ ජාලය අයත් මෙටා සමාගමට ලැබී ඇති අතර තුන්වන තැන ජාතික ගුවන් සේවය වන Qantas වෙත ලැබී තිබෙනවා.

ටෙල්ස්ට්‍රා, ඇමසන්, ට්විටර්, ටික්ටොක්, කෝල්ස් සහ නෙස්ලේ සමාගම් ද ඔස්ට්‍රේලියානු ජනතාවට විශ්වාසයක් නොමැති සමාගම් ලැයිස්තුවට ඇතුලත් වී තිබෙනවා.

දැඩි ශීතල මැද එළිමහනේ නිදාගත් ඔස්ට්‍රේලියානු ආයතන ප්‍රධානීන්ට ඩොලර් මිලියන 7.7ක්

Vinnies CEO Sleepout වැඩසටහන යටතේ මෙවර ඔස්ට්‍රේලියාවේ ආයතන රැසක ඉහළ නිලධාරීන් දැඩි ශීතල මධ්‍යයේ රාත්‍රිය ගත කර ඩොලර් මිලියන 7.7ක මුදලක් රැස් කර තිබෙනවා.

Read More »

මිතුරියන්ගේ ඡායාරූප වෙනස්ම වැඩකට යොදා ගත් සිඩ්නි තරුණයෙකුට අමතක නොවන දඬුවමක්

තම මිතුරියන්ගේ පෞද්ගලික සමාජ මාධ්‍ය ගිණුම්වලින් ඡායාරූප ලබාගෙන ඒවා අසභ්‍ය වෙබ් අඩවියකට මුදා හැරීම සම්බන්ධයෙන් අත්අඩංගුවට ගත් සිඩ්නි පදිචිකරුවෙකුට වසර නවයක සිර දඬුවම් නියම කර තිබෙනවා.

Read More »

දුම්රිය නිසා මෙල්බන් පදිංචිකරුවන් පිරිසකට නිදහසක් නැති වෙයි

මෙල්බර්න් Thomastown පරදේශයේ විවෘත කරනු ලැබූ නව දුම්රිය ස්ථානය හේතුවෙන් තමන්ට දුෂ්කරතා රැසක් මතුවී ඇතැයි ප්‍රදේශවාසීන් චෝදනා කරනවා.

Read More »

සිඩ්නි රෝහලක රෝගියෙක් නිසා කාර්ය මණ්ඩලයටත් රෝහල් ගත වෙන්න වෙයි

සිඩ්නි රෝහලක සේවකයන් පිරිසකට පහර දී පිහියෙන් ඇනීමේ සිදුවීමක් හේතුවෙන් තමන්ට වැඩි ආරක්ෂාවක් අවශ්‍ය බව සෞඛ්‍ය සේවකයින් පවසනවා.

Read More »

මෙල්බර්න් සාප්පු සංකීර්ණයක් අසල වෙඩි තැබීමක්

මෙල්බර්න්හි සාප්පු සංකීර්ණයක් ආසන්නයේ සිදු වූ ගැටුමක් සහ වෙඩි තැබීමක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.

Read More »