පැපුවා නිව්ගිනි රාජ්‍යයේ නාය යාමෙන් මියගිය ගණන 2000 ඉක්මවන බවට තොරතුරු

පැපුවා නිව්ගිනි රාජ්‍යයේ කඳුකර ප්‍රදේශයක සිදු වූ නායයාමෙන් පුද්ගලයන් 2000ක් පමණ මියගොස් ඇතැයි සැක මතුවී තිබෙනවා.

එරට ජාතික ආපදා මධ්‍යස්ථානය වාර්තා කළේ මෙම දැවැන්ත නායයෑමෙන් පුද්ගලයන් 2000ක් පමණ මිහිදන් වී ඇතැයි සැක කෙරෙන අතර දිවි ගලවා ගත් අය සොයා ගැනීමට තවමත් මෙහෙයුම් සිදු කරන බවයි.

පසුගිය සිකුරාදා එංගා ප්‍රදේශයේ මෙම නායයාම සිදු වූ අතර මියගොස් ඇති බවට ප්‍රකාශ කෙරෙන නවතම සංඛ්‍යාව මීට පෙර ඇස්තමේන්තු කළ සංඛ්‍යාවලට වඩා තියුණු ඉහළ යාමක්.

මෙම නාය යෑම සිදු වූ අවස්ථාවේ ම එක්සත් ජාතීන්ගේ සංවිධානය පැවසුවේ පුද්ගලයන් 100ක් පමණ මිය යන්නට ඇති බවයි.

එය පසුව 670 දක්වා සංශෝධනය කෙරුණු අතර ලැබී ඇති නව වාර්තා අනුව මේ වන විට ප්‍රකාශ වන්නේ මියගිය පිරිස 2000 ඉක්මවා ඇති බවයි.

නාය යෑමෙන් පුද්ගලයන් 2000කට වැඩි පිරිසක් වැළලී ඇති අතර ගොඩනැගිලි විනාශ වී රටේ ආර්ථිකයට විශාල බලපෑමක් ඇති කළ බව ජාතික ආපදා මධ්‍යස්ථානයේ වැඩබලන අධ්‍යක්ෂවරයා එක්සත් ජාතීන්ගේ සංවිධානයට ලිපියක් යවමින් සඳහන් කර තිබෙනවා.

නාය ගිය භුමි ප්‍රදේශයේ පවතින අස්ථාවරත්වය ගලවා ගැනීමේ කණ්ඩායම්වල මෙහෙයුම් සඳහා ද බාධාවක් වී ඇති බවයි පැවසෙන්නේ.

ප්‍රදේශයට ප්‍රවේශ විය හැකි ප්‍රධාන අධිවේගී මාර්ගය ද නාය යාමෙන් සහන සේවා ළඟා වීම ද සම්පූර්ණයෙන්ම අවහිර වී ඇති බව සඳහන්.

දැඩි ශීතල මැද එළිමහනේ නිදාගත් ඔස්ට්‍රේලියානු ආයතන ප්‍රධානීන්ට ඩොලර් මිලියන 7.7ක්

Vinnies CEO Sleepout වැඩසටහන යටතේ මෙවර ඔස්ට්‍රේලියාවේ ආයතන රැසක ඉහළ නිලධාරීන් දැඩි ශීතල මධ්‍යයේ රාත්‍රිය ගත කර ඩොලර් මිලියන 7.7ක මුදලක් රැස් කර තිබෙනවා.

Read More »

මිතුරියන්ගේ ඡායාරූප වෙනස්ම වැඩකට යොදා ගත් සිඩ්නි තරුණයෙකුට අමතක නොවන දඬුවමක්

තම මිතුරියන්ගේ පෞද්ගලික සමාජ මාධ්‍ය ගිණුම්වලින් ඡායාරූප ලබාගෙන ඒවා අසභ්‍ය වෙබ් අඩවියකට මුදා හැරීම සම්බන්ධයෙන් අත්අඩංගුවට ගත් සිඩ්නි පදිචිකරුවෙකුට වසර නවයක සිර දඬුවම් නියම කර තිබෙනවා.

Read More »

දුම්රිය නිසා මෙල්බන් පදිංචිකරුවන් පිරිසකට නිදහසක් නැති වෙයි

මෙල්බර්න් Thomastown පරදේශයේ විවෘත කරනු ලැබූ නව දුම්රිය ස්ථානය හේතුවෙන් තමන්ට දුෂ්කරතා රැසක් මතුවී ඇතැයි ප්‍රදේශවාසීන් චෝදනා කරනවා.

Read More »

සිඩ්නි රෝහලක රෝගියෙක් නිසා කාර්ය මණ්ඩලයටත් රෝහල් ගත වෙන්න වෙයි

සිඩ්නි රෝහලක සේවකයන් පිරිසකට පහර දී පිහියෙන් ඇනීමේ සිදුවීමක් හේතුවෙන් තමන්ට වැඩි ආරක්ෂාවක් අවශ්‍ය බව සෞඛ්‍ය සේවකයින් පවසනවා.

Read More »

මෙල්බර්න් සාප්පු සංකීර්ණයක් අසල වෙඩි තැබීමක්

මෙල්බර්න්හි සාප්පු සංකීර්ණයක් ආසන්නයේ සිදු වූ ගැටුමක් සහ වෙඩි තැබීමක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.

Read More »