ඕස්ට්‍රේලියාව සිය දේශ සීමා ජාත්‍යන්තර සංචාරයන් සඳහා විවෘත කරන්නේ කවදාද​? අගමැති මොරිසන් ගෙන් පිළිතුරු! – AusLanka TV – Australian News for the Sri Lankan community

ඕස්ට්‍රේලියාව සිය දේශ සීමා ජාත්‍යන්තර සංචාරයන් සඳහා විවෘත කරන්නේ කවදාද​? අගමැති මොරිසන් ගෙන් පිළිතුරු!

ඕස්ට්‍රේලියාව සිය දේශ සීමා ජාත්‍යන්තර සංචාරයන් සඳහා විවෘත කරන්නේ කවදාද​? අගමැති මොරිසන් ගෙන් පිළිතුරු!

කොරෝනා වයිරස් එන්නත් ඕස්ට්‍රේලියාව පුරා පුළුල් ලෙස ලබා දීමෙන් පසු ජාත්‍යන්තර දේශසීමා නැවත විවෘත කළ හැකි යැයි අගමැති ස්කොට් මොරිසන් බලාපොරොත්තු වන බවට ප්‍රකාශ කර තිබේ.

එළඹෙන සඳුදා සිට ඕස්ට්‍රේලියාව පුරා කොරෝනා එන්නත් ලබා දීම ආරම්භ කිරීමත් සමඟ ඕස්ට්‍රේලියානු රජය අපේක්‍ෂා කරන්නේ මේ වසර අවසානය වන විට ඕස්ට්‍රේලියානුවන්ට සාමාන්‍ය ජන ජීවිතය නැවත ඇරඹීමට හැකි වනු ඇති බවයි.

කොරෝනා එන්නත් ලබා දීමේ මෙම වැඩපිළිවෙල ඔක්තෝම්බර් මාසයේදී අවසන් කිරීමට රජය අපේක්ෂා කරයි.

අග්‍රාමාත්‍යවරයා කියා සිටියේ එන්නත් මගින් කොරෝනා වයිරස් අවදානම වෙනස් කිරීමට ඉඩ ඇති අතර එමඟින් රට පුරා දේශ සීමාවන් හදිසියේ වසා දැමීම් ඇතුලු නීති පැනවීම් අතහැර දැමිය හැකි බවයි.

හෝටල් නිරෝධායන, දේශසීමා සහ සෞඛ්‍ය සේවකයින්ට ලබන සතියේ එන්නත් ලබා ගැනීම ආරම්භ කරන නමුත් එය අනිවාර්ය නොවේ.

සමහර සේවකයින්ට කොරෝනා එන්නත් ලබා ගැනීම​ අනිවාර්ය කරන්නේ දැයි ෆෙඩරල් සහ ප්‍රාන්ත රජයන් හි සෞඛ්‍ය නිලධාරීන් නිරීක්ෂණය කරමින් සිටින බව මොරිසන් තවදුරටත් පැවසීය.

COMMENTS