පර්ත් වෙඩි තැබීමෙන් මියගිය සංඛ්‍යාව ඉහළට

පර්ත්හි ෆ්ලෝරේට් ප්‍රදේශයේ සිදු වූ වෙඩි තැබීමෙන් මියගිය සංඛ්‍යාව තුනක් දක්වා ඉහළ ගොස් තිබෙනවා.

ඊයේ පස්වරුවේ සිදු වූ වෙඩි තැබීමෙන් තුවාල ලබා රෝහල් ගත කර සිටි තරුණියක් මෙලෙස මියගොස් ඇති බවයි වාර්තා වන්නේ.

පොලිසිය මෙම නිවසට පැමිණීමට පෙර වෙඩි ශබ්ද අටක් පමණ ඇසුණු බව ප්‍රදේශවාසීන් සඳහන් කර තිබෙනවා.

පොලිසිය කළ විමර්ශනයේදී අනාවරණ වී ඇත්තේ ඊයේ සවස 4.30 ට පමණ තුවක්කුකරු නිවසේ සිටි කාන්තාවන් දෙදෙනෙකුට වෙඩි තබා තමා ද වෙඩි තබාගෙන සිය දිවි හානිකර ගෙන ඇති බවයි.

තුවාල ලබා සිටි තරුණියක් අසාධ්‍ය තත්ත්වයෙන් රෝයල් පර්ත් රෝහල වෙත ගෙන ගිය අතර එහි ප්‍රතිකාර ලබමින් සිටියදී අද උදෑසන මියගොස් ඇතැයි සඳහන්.

මියගොස් ඇති තරුණියගේ වයස මෙතෙක් හෙළිවී නොමැති අතර මියගිය කාන්තාව සහ සැකකරු අවුරුදු 50 සහ 60 වයස්වල පසුවනවා.

වෙඩි තැබීම සිදු වූයේ ෆ්ලෝරේට් ෆෝරම් සාප්පු මධ්‍යස්ථානය ආසන්න ප්‍රදේශයක වන අතර ජනතාවට කිසිදු තර්ජනයක් නොමැති බවට පොලිසිය තහවුරු කර තිබෙනවා.

මෙම ඝාතනයන්ට නිශ්චිත හේතුවක් මෙතෙක් අනාවරණ වී නොමැති අතර ඔවුන් එකිනෙකා හඳුනන අය බවටයි පොලිසිය හෙළි කරගෙන ඇත්තේ.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »