ඔස්ට්‍රේලියාවේ විශේෂ කණ්ඩායමකට වැඩි වැටුප් දෙන්න තීරණයක්

ඔස්ට්‍රේලියාවේ රැකියා අපේක්ෂිතයන් AI තාක්ෂණය ඉගෙනීමේ වැඩි උනන්දුවක් දක්වන බවට නව සමීක්ෂණ මගින් අනවාරණ වී තිබෙනවා.

AI තාක්ෂණික දැනුම සහිත පුද්ගලයන් වෙනුවෙන් ඔස්ට්‍රේලියානු රැකියා වෙළඳපොල තුළ නිර්මාණය වී ඇති ඉහළ ඉල්ලුම ඊට හේතුව බවයි පැවසෙන්නේ.

නව පර්යේෂණවලින් පෙන්නුම් කර ඇත්තේ සේවා යෝජකයන් දැනටමත් AI අධ්‍යාපනය ලැබූවන් පිළිබඳ අවධානය යොමු කර ඇති අතර විවිධ කර්මාන්ත ආශ්‍රිතව AI හැකියාවන් සහිත රැකියා සඳහා ඉහළ වැටුප් ලබා දෙන බවයි.

සමස්තයක් වශයෙන් ඔස්ට්‍රේලියාවේ AI කුසලතා ඉල්ලා සිටින රැකියා පුරප්පාඩු දැන්වීම් පළ කිරීම් ද ඉහළ ගොස් ඇති අතර ඊට සියයට හයක පමණ සාමාන්‍ය වැටුප් වැඩිවීමක් ද අයත්.

ඒ අතරින් වැඩිම වැටුපක් හිමිවන්නේ අධ්‍යාපන කළමනාකරුවන්ට වන අතර AI කුසලතා සහිත අධ්‍යාපන කළමනාකරුවන්ට සාමාන්‍යයෙන් එම ක්ෂේත්‍රයේ අනෙක් සේවකයන්ට වඩා සියයට 17කට වැඩි ආදායමක් අපේක්ෂා කළ හැකියි.

AI තාක්ෂණ කුසලතා සහිත පර්යේෂණ සහ සංවර්ධන කළමනාකරුවන්ට සියයට 15 දක්වා වැඩි වැටුප් ලබාදීමට සූදානම් බවයි පැවසෙන්නේ.

දත්ත නිර්මාණකරුවන් සහ පරිපාලකයින්ට එම ක්ෂේත්‍රයේ අනෙක් අයට වඩා සියයට 14ක වැඩි වැටුපක් හිමිවන බව සඳහන්.

AI කුසලතාවයෙන් හෙබි වෙළඳ ප්‍රචාරණ සහ අලෙවි වෘත්තිකයන්ට මෙම ක්ෂේත්‍රයේ සාමාන්‍යයෙන් සියයට 11ක් වැඩිපුර ගෙවනු ලබනවා.

මීට අමතරව සැපයුම් සහ බෙදා හැරීම්වලට අදාළ කළමනාකරුවන්, කාර්මික සහ නිෂ්පාදන ඉංජිනේරුවන්, විශ්ව විද්‍යාල සහ උසස් අධ්‍යාපන ගුරුවරුන්, වෙළඳපල සමීක්ෂණ සහ පර්යේෂණ නිලධාරීන්, සිතියම් ශිල්පීන් සහ මිනින්දෝරුවන් මෙන්ම යාන්ත්‍රික ඉංජිනේරු යන ක්ෂේත්‍රවල ද මෙලෙස වැඩි වැටුප් හිමිවන බව වාර්තා වනවා.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »

ඔස්ට්‍රේලියාවේ සාප්පු සවාරි යන අයට අඩුම මිලට බඩු ගන්න තැනක්

ඔස්ට්‍රේලියාවේ සුපිරි වෙළඳසැල් ජාලය තුළ අඩුම මිලකට සිල්ලර භාණ්ඩ මිලදී ගත හැකි වෙළඳසැල් සම්බන්ධයෙන් නව සමීක්ෂණයක් සිදු කර තිබෙනවා.

Read More »