ආසියාවෙන් පැමිණි මිලියන ගණනක තහනම් ද්‍රව්‍ය ඇල්ලූ දැවැන්ත මෙහෙයුම

ඔස්ට්‍රේලියානු දේශසීමා බලකාය විසින් මුහුදු භාණ්ඩ බහාලුම් හරහා රට තුළට රැගෙන ඒමට උත්සාහ කළ ඩොලර් මිලියන 12.4ක් වටිනා ඉලෙක්ට්‍රොනික දුම්වැටි අත්අඩංගුවට ගෙන තිබෙනවා.

ස්කෑන් පරීක්ෂණයකින් පසු හඳුනා ගත් සැක සහිත නැව් භාණ්ඩ පසුගිය සඳුදා සහ බ්‍රහස්පතින්දා අතර කාලයේ කළ පරීක්ෂාවකදීයි බහාලුම් තුනකින් මෙම දුම්වැටි 400,000කට ආසන්න ප්‍රමාණය සොයාගෙන ඇත්තේ.

එක් භාණ්ඩ තොගයක් අතර සඟවා තිබූ ඉලෙක්ට්‍රොනික දුම්වැටි නිෂ්පාදන 37,800ක් සඳුදා සොයා ගත් බව දේශසීමා බලකාය ප්‍රකාශ කළ අතර තවත් දුම්වැටි 174,960ක් සහිත පෙට්ටි 18ක් ද වෙනත් බහාලුමකින් සොයා ගැනුණා.

ඊට අමතරව බ්‍රහස්පතින්දා තුන්වන කන්ටේනරයේ තිබී තවත් ඉලෙක්ට්‍රොනික දුම්වැටි 177,120ක් සොයා ගත් බව සඳහන්.

ඇස්තමේන්තුගත වීදි වටිනාකම ඩොලර් මිලියන 12.4කට වඩා වැඩි සමස්ත දුම්වැටි ප්‍රමාණය 389,880ක් බවටයි ගණනය කර ඇත්තේ.

මෙම බහාලුම් තුනම ආසියානු කලාපීය රටකින් පැමිණි බව දේශසීමා බලකාය ප්‍රකාශ කළා.

එහි වැඩබලන වෙළඳ අණදෙන නිලධාරීවරයා පැවසුවේ නීතිවිරෝධී ලෙස රට තුළට දුම්වැටි ආනයනය කිරීම නතර කිරීමේ මෙහෙයුම් අඛණ්ඩව සිදු කරන බවයි.

පලතුරු රසයන් සහ වර්ණවත් ඇසුරුම්වලින් නිපදවා තිබුණ ද මෙම ඉවත දැමිය හැකි ඉලෙක්ට්‍රොනික දුම්වැටි බහුතරයක් අධික ලෙස ඇබ්බැහි කරවන නිකොටින් අඩංගු බව හොඳින්ම තහවුරු වී ඇතැයි ද ඔහු අවධාරණය කළා.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »