මෙල්බන් උතුරු ප්‍රදේශයේ පාසල් බස් රථ අනතුරින් එක් අයෙක් ජීවිතක්ෂයට

මෙල්බන් උතුරු ප්‍රදේශයේ කිල්මෝර්හිදී අසම්ප්ෂන් විද්‍යාලයේ සිසුන් රැගත් පාසල් බස් රථය අනතුරට ලක්වීමෙන් රියදුරු මිය ගොස් සිසුවෙකු තුවාල ලබා තිබෙනවා.

බස් රථය අනතුරට පත්වන විට කිල්මෝර්හි අසම්ප්ෂන් විද්‍යාලයේ ළමුන් 30 දෙනෙකු පමණ එහි සිට ඇති බවයි වාර්තා වන්නේ.

මෙල්බර්න් නගරයට කිලෝමීටර් 65ක් උතුරින් පිහිටි කිල්මෝර් හි අසම්ප්ෂන් විද්‍යාලයේ සිසුන් බසයේ සිටි අතර අද සවස 3.30ට පමණ එය කිල්මෝර්හි වැන්ඩොං පාරෙන් ඉවතට පැන ගසක ගැටී අනතුරට ලක්ව තිබෙනවා.

බස් රථයේ රියදුරු වැල්ලන් ප්‍රදේශයේ පදිංචි 65 හැවිරිදි පුද්ගලයෙක් බවටයි අනාවරණ වී ඇත්තේ.

එක් දරුවෙකු ජීවිතයට තර්ජනයක් නොවන තුවාල සහිතව ස්ථාවර තත්ත්වයෙන් කිල්මෝර් රෝහලට ගෙන ගොස් තිබෙනවා.

බස් රථයේ සිටි තවත් අනෙක් ළමයින්ට තුවාල සිදුවීමක් වාර්තා නොවන බවයි සඳහන් වන්නේ.

අනතුර වාර්තා වීමත් සමගම ගිලන් රථ හෙලිකොප්ටර් දෙකක් ද එම ස්ථානයට පිටත් කර යවා තිබුණා.

ඔස්ට්‍රේලියානුවන්ගේ රැකියා සම්බන්ධ නවතම තත්වය මෙන්න

ඔස්ට්‍රේලියාව තුළ නව රැකියා 40,000ක් නිර්මාණය වීමත් සමඟ විරැකියා අනුපාතය සුළු වශයෙන් පහත වැටී ඇතැයි නවතම සමීක්ෂණ මගින් අනාවරණ වී තිබෙනවා.

Read More »

වික්ටෝරියාව හොල්ලන අපරාධකරුවන් කණ්ඩායම ගැන කවුරුත් නොසිතූ දෙයක් හෙළිවෙයි

වික්ටෝරියා ප්‍රාන්තයේ අපරාධ රැසකට සම්බන්ධ ප්‍රධාන සැකකරුවන් 20 දෙනා බාල වයස්කරුවන් පිරිසක් බවට තොරතුරු අනාවරණ වී තිබෙනවා.

Read More »