පර්ත් හි වෙස්ට්ෆීල්ඩ් කැරූසල් වෙළඳ මධ්යස්ථානයේ පිහි ඇනුමකට සම්බන්ධ පුද්ගලයන් දෙදෙනෙකු සොයා පොලිසිය විමර්ශන ආරම්භ කර තිබෙනවා.
ඊයේ පස්වරු 3:30ට පමණ පුද්ගලයන් තිදෙනෙකු අතර ඇති වූ ආරවුලක් අතර මෙම පිහි ඇනුම සිදුවී ඇති බවයි පොලිසිය සඳහන් කළේ.
ප්රහාරයෙන් 20 හැවිරිදි තරුණයෙකු තුවාල ලබා ඇති අතර සැකකරුවන් එම ස්ථානයෙන් පළා ගොස් තිබෙනවා.
පොලිසිය පවසන්නේ මහජනතාවට තර්ජනයක් හෝ අනතුරු ඇඟවීමට හේතුවක් නොමැති බවයි.
සිඩ්නිහි බොන්ඩායි ජන්ෂන් හි වෙස්ට්ෆීල්ඩ් සාප්පු මධ්යස්ථානයේදී ජොයෙල් කවුචි නම් පුද්ගලයෙකු විසින් කාන්තාවන් ඇතුලු හය දෙනෙකුට පිහියෙන් ඇන ඝාතනය කර තවත් පිරිසකට තුවාල සිදු කිරීමෙන් මාසයකට පමණ පසු මෙම සිදුවීම වාර්තා වී තිබෙනවා.
බටහිර ඔස්ට්රේලියා පොලිසිය පැවසුවේ ඊයේ වාර්තා වූ මෙම සිදුවීමෙන් ජනතාව කම්පනයට පත්වී ඇති අතර සැකකරුවන් සොයා අඛණ්ඩව විමර්ශන සිදු කරන බවයි.
වෙස්ට්ෆීල්ඩ් කැරූසල් වෙළඳ මධ්යස්ථානය පිහිටා ඇත්තේ පර්ත් සිට කිලෝමීටර් 12ක් පමණ දකුණින් වන අතර එය අගනගරයේ විශාලතම සාප්පු මධ්යස්ථානයක් ලෙසටයි සැලකෙන්නේ.
