මෙල්බන් හි හොලිඩේ ඉන් හෝටලයේ දින 14 ක නිරෝධායනය සම්පූර්ණ කිරීමෙන් දින දෙකකට පසු කාන්තාවක් කොරෝනා පරීක්‍ෂාව සඳහා ධනාත්මක බව වාර්තා වී ඇති අතර එම හෝටලයේම ආහාරපාන සපයන සේවකයෙකු කොරෝනා ආසාදිතයෙකු බවට හඳුනාගෙන ඇත.
සෞඛ්‍ය අමාත්‍ය මාටින් ෆෝලි පැවසුවේ මෙම ආසාදිතයින් දෙදෙනා අද දින වාර්තා වූ නව සිද්ධීන් වන බවයි.
මෙම සිද්ධීන්ට අදාලව සමීප සම්බන්ධතා හඳුනා ගනිමින් පවතින අතර ඔවුනට දින 14ක ස්වයං හුදකලා වීමට අවශ්‍ය පියවර ගන්නා ලෙසට උපදෙස් දෙමින් සිටී.
මේ අතර පසුගිය සති අන්තයේ වාර්තා වූ කොරෝනා ආසාදිත හෝටල් සේවකයා හට එක්සත් රාජධානියේ පැතිරෙන නව කොරෝනා වයිරස් ප්‍රභේදය වැළඳී ඇති බවට තහවුරු වී ඇත.
