දකුණු අප්‍රිකාව, Oxford-AstraZeneca කොවිඩ් මර්දන එන්නත ලබාදීම අත්හිටුවා තිබෙනවා.
එරටින් හමුවූ නව කොවිඩ් වෛරස් ප්‍රභේදයට එරෙහිව එම එන්නතෙන් ලබාදෙන ආරක්ෂාව ප්‍රමාණවත් නොවන බව පවසමින් දකුණු අප්‍රිකා බලධාරීන් මෙම තීරණය ගෙන ඇති බව වාර්තා වේ.
ඒ අනුව විශේෂඥ කමිටු උපදෙස් ලැබෙන තෙක් එන්නත ලබාදීම තාවකාලිකව අත්හිටුවන බව දකුණු අප්‍රිකානු සෞඛ්‍ය අමාත්‍යවරයා ප්‍රකාශ කර තිබෙනවා.
මේ අනුව AstraZeneca එන්නත වෙනුවට , Johnson & Johnson සහ Pfizer සමාගම් නිෂ්පාදනය කළ කොවිඩ් මර්දන එන්නත් සිය සෞඛ්‍ය සේවකයන්ට ලබාදෙන බව දකුණු අප්‍රිකාව ප්‍රකාශ කළා.
කෙසේ වෙතත් AstraZeneca එන්නත එක්සත් රාජධානියෙන් හමුවූ නව එන්නත් ප්‍රභේදයට එරෙහිව සාර්ථක ප්‍රතිඵල පෙන්වා ඇත අතර Pfizer-BioNTech එන්නත ද නව වෛරස් ප්‍රභේදයට එරෙහිව සාර්ථක ප්‍රතිඵල පෙන්වන බවට ද හෙළි වී තිබෙනවා.
ඕස්ට්‍රේලියානු සෞඛ්‍ය අමාත්‍ය ග්‍රෙග් හන්ට් පවසන්නේ ඉක්මනින් නිකුත් කිරීමට නියමිත කොරෝනා වයිරස් එන්නතෙහි ඵලදායීතාවය පිළිබඳව සැලකිලිමත් වීම අවශ්‍ය නොවන බවයි.
දකුණු අප්‍රිකාව ඔවුන්ගේ AstraZeneca එන්නත ඉවත් කිරීම නවතා දමා තිබියදීත්, එක්සත් රාජධානියේ කැපී පෙනෙන සාර්ථක ප්‍රතිඵල වාර්තා කිරීමත් සමඟ ඕස්ට්‍රේලියානු බලධාරීන් එය අනුගමනය කිරීමේ අවශ්‍යතාවක් නොමැති බව සෞඛ්‍ය අමාත්‍යවරයා පැවසීය.
