දිගින් වැඩි වාහන නතර කිරීම සඳහා ප්‍රමිතියෙන් යුත් රථ ගාල් පුලුල් කිරීමට යෝජනා ඉදිරිපත් වී තිබෙනවා.
ඒ අනුව ඔස්ට්‍රේලියාව පුරා ඕනෑම ආකාරයක විශාල වාහන නැවැත්වීම සඳහා පවතින ඉඩකඩ තවදුරටත් පුලුල් කිරීමටයි පියවර ගෙන ඇත්තේ.
රථගාල්වල සම්මත දිග මීටර් 5.6ක් දක්වා තවදුරටත් පුලුල් කිරීමට නියමිත අතර එම යෝජනාව සම්බන්ධයෙන් මහජන අදහස් ලබාද ගැනීමට ද නියමිතයි.
ජනතාව වැඩි වශයෙන් බර වාහන මිලදී ගැනීමට කැමැත්ත දක්වන අතර බාධාවකින් තොරව තම වාහන ආරක්ෂිතව ගාල් කිරීමට නව වැඩපිළිවෙළ යටතේ අවස්ථාව හිමිවනු ඇති.
අදාළ යෝජනා මේ වන විට කෙටුම්පත් කරමින් පවතින අතර රථ ගාල් පුලුල් කිරීමේ දී වාහනවල දිග පමණක් නොව බර පිළිබඳව ද සැලකිල්ලට ගැනීම වැදගත් බවයි ඉංජිනේරුවන් පෙන්වා දෙන්නේ.
ඒ අනුව ප්‍රධාන මාර්ගයන්ගෙන් පිටත මෙන්ම කඩසාප්පු ඉදිරිපිට පවතින රථ ගාල් ද පුලුල් කිරීමට නියමිතයි.
