අද ක්වීන්ස්ලන්ඩ් ප්‍රාන්තයේ ප්‍රදේශ රැසකට ඇදහැලෙන වර්ෂාවක් සමඟ කාලගුණ අනතුරු ඇඟවීම් කිහිපයක් නිකුත් කර තිබෙනවා.
මිලිමීටර් 100 ක වර්ෂාපතනයක් ඇද හැලෙනු ඇතැයි අපේක්ෂා කරන අතර ගංවතුර අනතුරු ඇඟවීම් ද නිකුත් කිරීමටයි කාලගුණ අංශය පියවර ගෙන ඇත්තේ.
විශේෂයෙන් ප්‍රාන්තයේ ගිනිකොන දෙස ප්‍රදේශවලට මිලිමීටර් 100ක් වැසි වැටීමේ හැකියාව ඇති අතර අනෙක් ප්‍රදේශවලට මිලිමීටර් 80ක පමණ වර්ෂාවක් ඇද හැලෙනු ඇතැයි අපේක්ෂිතයි.
කාලගුණ විද්‍යා කාර්යාංශය විසින් සන්ෂයින් කෝස්ට් ඇතුලු ප්‍රදේශ සඳහා ගංවතුර අනතුරු ඇඟවීම් මෙන්ම තද සුළං අනතුරු ඇඟවීමක් ද නිකුත් කර තිබෙනවා.
වර්ෂාව හෙට දිනය දක්වා පවතිනු ඇති අතර සන්ෂයින් කෝස්ට් අවට මුහුදේ දිය නෑමට හෝ පිහිනිමෙන් වළකින ලෙසට ද කාලගුණ විද්‍යා කාර්යාංශය දැනුම් දෙනවා.
