රාත්‍රී නින්දට පෙර ස්මාට් ඡංගම දුරකතන භාවිතය මගින් අධික ආලෝකයට නිරාවරණය වීම මානසික සෞඛ්‍යයට බලපෑම් ඇති කරන බව නවතම සමීක්ෂණයකින් හෙළිව තිබෙනවා.
පුද්ගලයින් අසූ දහසක් යොදා ගනිමින් ආලෝකය, නින්ද, මානසික සෞඛ්‍ය සහ ශාරීරික ක්‍රියාකාරකම් යන කාරණා සැලකිල්ලට ගනිමින් මෙම අධ්‍යයනය සිදු කර තිබුණා.
එහිදි අනාවරණය වී ඇත්තේ ස්වභාවික ආලෝකය තුළ ව්‍යායාම්වල නිරත වන පුද්ගලයින්ගේ කායික මෙන්ම මානසික සෞඛ්‍ය හොඳ මට්ටමක පවතින බවයි.
පුද්ගලයින් ආලෝකයට නිරාවරණය වන ආකාරය අනුව මානසික සෞඛ්‍යයට ප්‍රබල බලපෑමක් එල්ල වන බව පර්යේෂකයින් වැඩිදුරටත් පෙන්වා දී තිබෙනවා.
ආලෝකය මානසික සුවයේ මූලික අංගයක් වන අතර දවසේ වැඩි කාලයක් ස්වභාවික ආලෝකය තුළ කටයුතු කිරීම වාඩාත් යහපත් බවයි මහාචාර්ය ඇන්ඩෲ පිලිප් සඳහන් කර ඇත්තේ.
කෙසේ වෙතත් රාත්‍රී කාලය තුළ ස්මාට් ජංගම දුරකන භාවිතය මගින් කෘත්‍රීම ආලෝකයට නිරාවරණය වීම පුද්ගල ස්වාධීනත්වයට, දෛනික ක්‍රියාකාරකම්වලට මෙන්ම ජාන විකෘති තත්වයන්ට ද බලපෑම් එල්ල කරන බව අවධාරණය කෙරෙනවා.
