ඔස්ට්‍රේලියානු ළමයින් මුහුණ දෙන සිදුවීමකට ප්‍රතිකාරයක්

සෑම ඔස්ට්‍රේලියානුවන් තිදෙනෙකුගෙන් එක් අයෙක් ළමා වියේදී කුමන හෝ අතවරයකට ලක්ව ඇති බව හඳුනාගෙන තිබෙනවා.

ඒ අතුරින් සියයට 31ක් මානසිකව හිංසනයන්ට ද තවත් සියයට 28.5ක් ලිංගික අතරවරයන්ට ද තවත් සියයට 9ක් නොසලකා හැරීමට මෙන්ම සියයට 40කට වැඩි ප්‍රතිශතයක් කුඩා කල ගෘහස්ථ හිංසනයට ලක්ව ඇති බවයි වාර්තා වන්නේ.

ඒ අනුව ළමා වියෙහි මුහුණු දීමට සිදුවූ කම්පන සහිත සිදුවීම්වලින් දරුවන් මුදා ගැනීම සදහා EMDR ලෙස නම් කළ නව සායනික ක්‍රමයක් ද හඳුන්වා දී තිබෙනවා.

ළමා මානසික විශේෂඥයින් පවසන්නේ කුඩා කල හිංසනයට පත් දරුවන් නිසි ප්‍රතිකාර සදහා යොමු කිරීමෙන් අනාගතයේ ඇති විය හැකි දරුණු තත්වයන්ගෙන් මුදවා ගැනීමට හැකියාව පවතින බවයි.

විශේෂයෙන් එවැනි තත්වයකට මුහුණ දුන් ළමුන් වැඩිවියට පැමිණිමත් සමග සමාජ විරෝධි ක්‍රියාවලට මෙන්ම සියදිවි නසාගැනීම් වෙත පෙළඹීමේ වැඩි ප්‍රවණතාවක් පවතින බව හඳුනාගෙන තිබෙනවා.

EMDR සායනික ක්‍රමය මගින් ළමුන් හිංසනයන්ට ලක්වීමට හේතු වූ මූලික කරුණුවල සිට එම තත්වයෙන් මිදීම සඳහා අවශ්‍ය කායික මෙන්ම මානසික උපකාරක සේවා සැපයීම විශේෂත්වයක්.

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »

සැත්කමකින් පසු මෙල්බන් කාන්තාවක් මියගිය සිද්ධියට තවත් වෛද්‍යවරුන් දෙදෙනෙකුගේ වැඩ තහනම්

ගබ්සාවකින් පසු මෙල්බර්න් කාන්තාවක් වන හර්ජිත් කෞර් මියයාමේ සිද්ධිය සම්බන්ධයෙන් පරීක්ෂණවලට අනුව තවත් වෛද්‍යවරුන් දෙදෙනෙකුගේ වැඩ තහනම් කර තිබෙනවා.

Read More »