ගෑස් පරිභෝජනයෙන් වික්ටෝරියානුවන් අංක එකට එයි

ඔස්ට්‍රේලියාවේ ගෘහාශ්‍රිත ගෑස් පරිභෝජනය අතින් වික්ටෝරියා ප්‍රාන්තය වැඩිම ගෑස් පරිභෝජනය කරන ප්‍රාන්තය බවට පත්ව තිබෙනවා.

ඒ අනුව වික්ටෝරියානුවන් අතුරින් සියයට 90ක් ගෘහාශ්‍රිත කටයුතු සඳහා ගෑස් උපකරණ භාවිත කරන බවයි හෙළිවී ඇත්තේ.

ඔස්ට්‍රේලියානු බලශක්ති වෙළඳපොළෙහි නවතම වාර්තා අනුව අනාවරණය වී ඇත්තේ වික්ටෝරියා ප්‍රාන්තයේ ගෑස් සඳහා ඇති ඉල්ලුම ඉදිරි වසරවලදී එහි සැපයුම ද ඉක්මවා යන බවයි.

කෙසේ වෙතත් ප්‍රාන්ත රජය මේ වන විටත් ගෑස් පරිභෝජනය අවම කිරීමට ජනතාවට උපදෙස් දී ඇති අතර ගෑස් උපකරණ වෙනුවට විදුලි උපකරණ භාවිත කිරීම සඳහා ජනතාව දිරිමත් කර ඇති බවයි වාර්තා වන්නේ.

ගෑස් බිල්පත් සඳහා වන වියඳම විදුලි බිල්පත අභිබවා යන බව ඇතැම් වික්ටෝරියානුවන් සඳහන් කර ඇති අතර ස්ව කැමැත්තෙන්ම ගෑස් උපකරණ අතහැර විදුලි උපකරණ වෙත මාරුවීමට ඔවුන් සූදානම්ව තිබෙනවා.

මූල්‍යමය පමණක් නොව පාරිසරික හා සෞඛ්‍ය වශයෙන් ගෑස් භාවිතය අවම කිරීමෙන් පුද්ගලයින් සඳහා ප්‍රතිලාභ අත්වනු ඇති.

වික්ටෝරියානුවන් උපයෝගී කර ගනිමින් සිදු කළ සමීක්ෂණයකට අනුව සියයට 69ක් සඳහන් කර ඇත්තේ ආහාර පිසීම සඳහා ගෑස් උපකරණ පමණක් භාවිත කරන බවයි.

ප්‍රාන්ත බලධාරීන් ජනතාව හැකිතාක් ගෑස් පරිභෝජනයෙන් ඉවත් කිරීමට දිරිමත් කිරීමේ උපදේශන වැඩසටහනක් ද ආරම්භ කර තිබෙනවා.

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »