මූලික ජීවන වියදම් පියවා ගැනීමට නොහැකිවීම හේතුවෙන් ඔස්ට්‍රේලියාවේ පුද්ගලයින් නව රැකියා සඳහා යොමුවන බව නවතම අධ්‍යනයක දී හෙළිව තිබෙනවා.
ගෙවීම් ප්‍රමාණවත් නොවීම හේතුවෙන් ඔස්ට්‍රේලියාවේ රැකියා සොයන්නන්ගේ ප්‍රමාණය ඉහළ ගොස් ඇති බවයි වාර්තා වන්නේ.
නිවාස පිරිවැය සියයට 22කින් ද ආහාර සහ සිල්ලර බඩු සියයට 17 කින් ද විදුලිය සියයට 17කින් ද ප්‍රවාහන වියදම් සියයට 11කින් ද ඉහළ යෑම මීට හේතුව බව ඇන්ග්ලිකෙයා දත්ත පෙන්වා දෙනවා.
අත්‍යාවශ්‍ය වියදම් උද්ධමනයට වඩා ඉතා වේගයෙන් වර්ධනය වන අතර ජීවන වියදම් පියවා ගැනීමට ලැබෙන වැටුප ප්‍රමාණයත් නොවන බව සඳහන්.
අඩුම ආදායම් ලබන පුද්ගලයින්ට දැනට මූලික පිරිවැය පවා සපුරා ගත නොහැකි බැවින් පසුගිය වසර දෙක තුළ නිවාස කුලී සහ ආහාරවල පිරිවැය ඉහළ ගොස් ඇති බවයි වාර්තා වන්නේ.
ආදායම ජීවන වියදමට වඩා තවත් පහත වැටෙන විට නව රැකියා සෙවීම් වෙත යොමුවන ඔස්ට්‍රේලියානුවන්ගේ ප්‍රමාණය ද ඉහළ ගොස් තිබෙනවා.
මිනිසුන්ට ණය බරින් වැඩි වීමට හෝ ආහාර සහ වෛද්‍ය හමුවීම් ඇතුළු මූලික අත්‍යවශ්‍ය දෑ මග හැරීමට ද මෙම තත්වය හේතු වන අතර අවම වැටුප ජීවන වැටුපක් ප්‍රකාශයට පත් කළ යුතු බව විශේෂඥයන් පවසනවා.
