ඔස්ට්‍රේලියානු ආරක්ෂක බලකායට නව ප්‍රධානියෙක්

ඔස්ට්‍රේලියානු ආරක්ෂක බලකායේ නව ප්‍රධානියා ලෙස වයිස් අද්මිරාල් ඩේවිඩ් ජොන්ස්ටන් පත් කර තිබෙනවා.

2018 වසරේ සිට ආරක්ෂක ප්‍රධානියා ලෙස කටයුතු කරන ඇන්ගස් කැම්බල්ගේ ධුර කාලය අවසානයෙන් පසු ලබන ජූලි මාසයේදී ඩේවිඩ් ජොන්ස්ටන් තනතුරේ වැඩ භාර ගනු ඇති බවයි අගමැති ඇන්තනි ඇල්බනීස් අද නිවේදනය කළේ.

වයිස් අද්මිරාල් ජොන්ස්ටන් යනු සංකීර්ණ හා වේගයෙන් වෙනස් වන ගෝලීය උපායමාර්ගික පරිසරයක් තුළ ඔස්ට්‍රේලියානු ආරක්ෂක බලකාය මෙහෙයවීමට අත්දැකීම්, බුද්ධිය සහ අධිෂ්ඨානය ඇති බවට ඔප්පු කළ නායකයෙක් බව අගමැතිවරයා ප්‍රකාශ කළා.

1978 වසරේදී නාවික ඇකඩමියට කනිෂ්ඨ ශිෂ්‍යභටයෙකු ලෙස සම්බන්ධ වූ ඩේවිඩ් ජොන්ස්ටන්ගේ සේවා ජීවිතය තුළ ඉන්දු පැසිෆික් කලාපයේ ජාතික ආරක්ෂාවට මුහුණ දෙන අභියෝගවලට ද මුහුණ දී ඇති බවයි ඇන්තනී ඇල්බනිස් සඳහන් කළේ.

ඔහුගේ සේවා ජීවිතය තුල මෙරට ජාතික ආරක්ෂාව සම්බන්ධයෙන් මුහුණ දුන් අභියෝගවල විශාල වෙනසක් සිදු වූ කාල පරිච්ඡේදයක් බව ද අගමැතිවරයා පෙන්වා දෙනවා.

නාවික හමුදා නිලධාරියෙකු ඔස්ට්‍රේලියාවේ ආරක්ෂක බලකායේ ප්‍රධානියෙකු ලෙසට පත්වන්නේ වසර 22කට පසු වීම විශේෂත්වයක්.

ආරක්ෂක බලකායේ නව උප ප්‍රධානියා ලෙස එයාර් මාර්ෂල් රොබට් චිප්මන් තෝරාගෙන තිබෙනවා.

LPL තරඟාවලියේ සන්නාම තානාපති ධුරය මයිකල් ක්ලාක්ට

2015 වසරේ ලෝක කුසලානය ජයග්‍රහණය කළ ඔස්ට්‍රේලියා කණ්ඩායමේ නායක මයිකල් ක්ලාක් ශ්‍රී ලංකා ප්‍රිමියර් ලීග් ( LPL 2024) තරගාවලියේ සන්නාම තානාපති ලෙස පත් කර තිබෙනවා.

Read More »

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »

පොදු ප්‍රවාහන ගාස්තු ශත 50 දක්වා අඩු වෙයි

රථ වාහන තදබදය සහ ජීවන වියදම් පීඩනය අඩු කිරීමේ උත්සාහයක් ලෙස ක්වීන්ස්ලන්ඩ් ප්‍රාන්තයේ පොදු ප්‍රවාහන ගාස්තු තාවකාලිකව අඩු කිරීමට පියවර ගෙන තිබෙනවා.

Read More »

මෙල්බන්හි පිහි ඇණුමකින් තරුණයන් දෙදෙනෙකුට බරපතල තුවාල

ඊයේ රාත්‍රියේ මෙල්බර්න් හි වයඹදිග ප්‍රදේශයේ ඇති වූ ගැටුමකදී පිහි ඇනුමකින් තුවාල ලැබූ තරුණයන් දෙදෙනෙකු රෝහල් ගත කර තිබෙනවා.

Read More »